يابلد فيكى انحبس
كل إللى قال مظلوم
وكتر فيكى الخبث
ومعنى الكلام مفهوم
واللى يقول ميصحش
يتحاسب كل يوم ادام
مسؤل
وعليه الببان تتقفل
والعزلة عليه بطول
يابلد فيكى الغبى مسؤل
وصاحب الفكر متهان
وعايش على العيش والفول
وياريت الفول من السوس
خالى
ولا العيش بالطريقة الصح
معمول
يابلد فيكى المرض زايد
بين كل عشرة واحد سليم
والتسعة أقل مريض فيهم
بيعانى من حرقان فى البول
دا غير الضغط والسكر
وأمراض تانى عليها الشرح
يطول
يابلد فيكى الجهل متوفر
والجاهل فى أول صف
قاعد ومتجستن
ومهما يقول بيطول
يابلد محتاجة ثورة
فى الأخلاق
محتاجة إصلاح من الألف
للياء
لأن الجاهل على العالم
أصبح بقى مسؤل
يابلد خيرك للغير رايح
وكل يوم يحصل فيكى
كوارث وفضايح
والكلب مكروم والفقير
متهان مذلول
يابلد فيكى الآية معكوسة
وراية الحق منكوسة
الكلب جوا السكن دفيان
والفقير عليه حارس
وعن سلامته كمان مسؤل
من إبداعات
الشاعر
طه الروبى
مليش إنى اسألك
قلبك أخباره إيه
ولا مين سكنته فيه
شيئ مايخصنيش
واللى مايخصنيش مليش
اسأل عليه
مليش إنى اسألك
مين إللى بتهتم بيه
عشان دى رغبتك وحياتك
ودنيتك
ومش عايزك تقول عليا
بيحشر نفسه ديما
فى إللى ملهش فيه
أنا برده كمان دا طبعى
ما بحبش حد يسأل
على مين شاغلى قلبى
ولا مين بشتاق إليه
انا عارف إيه حدودى
وواقف عندها
لا بزيد عنها ولا بنقص منها
واللى ما يخصنيش بلاش
اسأل عليه
مليش إنى اسألك
ولا اسبب ليك حرج
خليك فى إللى انت فيه
من إبداعات
الشاعر
طه الروبى
لما اخترتك ليا
من بين الناس شريك
اهتميت بالقضية
وسلمت القلب ليك
وليك أنا قلت سرى
وبعد كل دا شاكك فيا
تاريك
لما اخترتك ليا
من بين الناس شريك
كان جوا مني خير
وكل حب ليك
وكان الخير كتير
ولا مرة الشر دبرت ليك
وكان كل همى تكون
سعيد
وعن الهموم تكون
بعيد
وكل إللى فى يدى عملته
عشان ارضيك
وانت فيا بتوجع وبسهولة
بهون عليك
بس العيب عليا
واستاهل كل إللى
عملته فيا
عشان فتحت القلب
ليك
كان لازم إنى أفهم
وعليا العشق يحرم
لا منك ولا ليك
الكلام من غير دليل
بيعصب وينرفز كتير
وطبعى شرحته ليك
من إبداعات
الشاعر
طه الروبى
يا من ظننت بيا
السوء مهلا
حتى ترى بالعين
هل أنا للعيب أهلا
وتستوضح الأمور وتستبين
القول والسمع كلاهما
قد يكونا ذنوبا فوق الجبين
مالم تراه بأم عينك
دعك منه
يكفيك ما احتملت سابقا
فوق الجبين
فذاك وايم الله هو العيب
المشين
ما أكثر الأقوال بلا دليل
ما أكثر من يقول بلا دليل
وما أكثر السامعين
وهم للحقيقة جاهلين
يا من ظننت بيا العيب
مهلا
حتى ترى بالعين
إنى بربى على كل ظالم
أستعين
من إبداعات
الشاعر
طه الروبى
جاى تلمنى على
شوقى ليك
ولما اخبى ولا ادارى
يصعب عليك
مع إن شوقى واشتياقى
مش بيدى
ومش بيدى أكون ملهوف
عليك
مكتوب لنا ياحبيبى
يجمعنا الهوى
يوم من الأيام
وتهتم بيا واهتم بيك
واحتاج لودك وتحتاج لودى
ومطلب قلوبنا يخلى عيونا
بينهم شريك
جاى تلمنى على شوق
ليك
وأنا غصب عنى
وصعب إنى مشتاقش
ليك
وجوا مني حجات كتير
شدانى ليك
محتاجة يحصل بينا الوصال
عشان أقولها واشرحها
ليك
محتاجة يحصل بينا انصهار
محتاجة ليلنا يكون نهار
عشان تكون بيدك لامسها
وبقلبك حاسسها
وفيها وعايشها
مش خافية عليك
جاى تلمنى على شوقى
ليك
وفاكرنى إنى مش خايف
عليك
وخوفى عليك زايدلى شوقى
ولهفتى
ومخلينى مش قادر اخبى
ولا ادارى جوا مني
مشاعرى ورغبتى
وعايزك معايا فى حياتى
شريك
من إبداعات
الشاعر
طه الروبى
القلوب محتاجة تفرح
بجد تعبت من الجراح
محتاجة يوم تلاقى
مطرح
تنسى فيه ألم الجراح
كل قلب فى يوم اتظلم
نفسه ينسى طعم الألم
ويمحى عطر الوهج
إللى منوا هب فاح
كل قلب بيه اتغدر
وحلمه ضاع وامله
انكسر
نفسه يلاقى فى يوم
أمان
وعمال يدور على المكان
إللى يداوى فيه الجراح
كل قلب كان ضحية
لطيبة خالصة وصدق
نية
وعشان غياب الإنسانية
انجرح وآلام جراحه
مش منتهية
ومتجددة مسا وصباح
من إبداعات
الشاعر
طه الروبى
بلاش تبقى إنت
والزمن
على قلب حبك
واختارك من بين القلوب
وكل أمله يعيش الجاى
من عمره معاك وجنب
كفاية الزمن ياحبيبى
معاندنى وضدى
خليك انت فى صفى
محتاج منك لقلبك
بلاش تبقى إنت والزمن
كدا مرة واحدة
ليا سنين بدفع تمن
وعايش فى زحمة
ومعاك لاقيت الهدوء والسكن
وراحة ورحمة
بلاش تخيب ظنى فيك
متخلنيش أقول عليك
اتحمل نتيجة فعلك
من إبداعات
الشاعر
طه الروبى
تحرمنى ليه من طلتك
تحرمنى ليه
وجوا مني محبتك
وقلبى مش قادر
أنا اسيطر عليه
تحرمني ليه من حقى
فيك
بعدما اتعلقت بيك
وقلبى خلاص سكنت فيه
تحرمني ليه
من قربى منك
وانت عارف أنى أنا
صعب يوم استغنى عنك
ليه تعذب قلبى ليه
تحرمنى ليه
نظرة عيونك
وبريق خدودك
وبعدى عنك مصمم
ماليش سكة فيه
تحرمنى ليه
من إبداعات
الشاعر
طه الروبى
كتير عليا قبل منك
فات وياما قابلنى
وياما قابلت
لا حد شاغلنى ولا بحد
انشغلت
ولا عن قلبى فى يوم اتنازلت
ولا حصل بينا فى يوم
سلامات
بس انت غير كل إللى
قابلونى
وعرفتهم وعرفونى
بجد مش حوارات
انت خلتنى أعيش
الهوى أكتر ما كنت متخيل
وتاخدنى بقى الموجات
وعرفت معاك للهوى درجات
وعملت لقلبى نشاط
كتير عليا قبل منك
فات
لاحد يوم شدنى
ولا لسكته جرنى
ولا حصلى فى يوم
هزة من النظرات
بس انت غير الكل
يا ساحر العبارات
كتير عليا قبل منك
فات
لا حصلى فى يوم
دربكة
ولا عقلى من قلبى
اشتكى
وكانت مشاعرى ثبات
نايمة مكانها مرحرحة
بس انت غير الكل
عملت فيا حجات
بتخيل فيها مازلت
عنى بعيد كانت
ولا ليها كان إشارات
كتير عليا قبل منك
فات
من إبداعات
الشاعر
طه الروبى
ليه الحزن فى الأعياد
خلينا نفرح
ونخلى الفرح يعم البلاد
ما جتش من يوم ولا يومين
ونرجع تانى للحكاوى
إللى كل يوم تنعاد
يالى حزين موجوع
أنا زيك عندى كمان موضوع
بس ملهوش لزوم
يوم العيد نار الحزن
فى القلب تشعلل وتناد
يالى جواك الحزن
ساكن
وعلى كل جنب من
جوانب القلب ساكن
الحياه أقدار واوعاد
خلينا نفرح فى السنة
لو بس سعتين
وكدا كدا
الفرح بسرعة بيلملم
العفش والأغراض
بلاش على الحزن نستعجل
يدوم علينا الفرح رب
العباد
نفسى فى يوم العيد
يكون الكل فرحان
ويحلم ببكره جديد
وياخد من الفرح
إللى يكفيه طول السنة
من الزاد
من إبداعات
الشاعر
طه الروبى
العيد أقبل بالسرور
والفرح له فى القلوب
حضور
فياكل احبتى
كل منا يشارك غيره
فرحة العيد ولو بقليل
من التهانى فى سطور
العيد موسم الأفراح
فلنجعل كل واجب فيه
مباح
وكل مباح فيه نجدد
ونجعل الجو عن الأحزان
مفصول
الفرح والسرور فى
الأعياد سنة
كان يحرص عليها الرسول
فا هيا بنا نتشبة بالرسول
هيا بنا نجعل الفرح حولنا
يصول ويجول
العيد أقبل يا اخوتى
ارسل لكم فيه خالص
مودتى ومحبتى
وأسأل العلى القدير
أن يجعل الود بيننا
على الدوام موصول
من إبداعات
الشاعر
طه الروبى
تخيل حبيبى
لو من زمان كنا
اتقابلنا
كانت حياتنا هيكون
إيه شكلها
والحب فى قلبى وقلبك
غير للدنيا طعمها
وخلانا نتمنى بينا الزمن
يرجع
عشان حكايتنا يطول
عمرها
فات من سنين العمر
وإحنا بنتمنى نتقابل
وعيونا تشوف بعضها
بس يمكن لعله خير
يتأخر لقانا و ي ت أ ج ل
كتير
وأكيد الخير فى فعل
ربك
والتدبير أكيد كل حاجة
ليها وقتها
تخيل حبيبى
لو جمعنا الهوى
ولسه الشعر مظهرش
فيه الشيب
بجد غريب فعل النصيب
كتير بيجيب الفرحة متأخر
وعلينا بيفرض بعدها
تعرف ياحبيبى أد إيه
بهواك
وخايف تفاجئنى يوم
بجفاك
نفسى بيا ينتهى العمر
وأنا وياك
كأنى الدنيا ملكتها
من إبداعات
الشاعر
طه الروبى
غيرتك عليا مخليانى
اشيلك فى عينى
وانفذ اوامرك ياننى
عينى
وأعيش هواك
لو مش فى جارى
لو حتى ناسينى
غيرتك عليا مخليانى
ماشايفش غيرك قدام
عنيا
وجوا مني هاويك
ألف مرة من إنك هاوينى
غيرتك عليا مخليانى
ملهوف عليك
ومن بعدك عنى اتعب
واعانى
واحن ليك بكل ما فيا
وكل يوم أروح لصورتك
واذاكر حكايتك
وتزيد الامانى
غيرتك عليا
بتدينى الأمل فى الأيام
إللى جايه
مش هفضل مكانى
يعنى للأحسن هكون
وكل شوطة هتبقى جول
عشانك انت مش عشانى
غيرتك عليا
خلتنى أكون
ناسى همومى وكل الشجون
وذكراها عندى بيكون
ثوانى
غير حبيبى وزيد فى
غيرتك
تحافظ عليا دى شطارتك
بس مش عايزك تكون
انانى
أنا زيك تمام ويمكن اكتر
كمان
وصابر على الواقع
وراضى بالواقع
الحكمة مخليانى
من إبداعات
الشاعر
طه الروبى
لو سألوني عليك
مقدرش أقول غير الحقيقة
واللى حصل
رغم إن الكدب ليه مليون
طريق
لكن طريق الصدق مختصر
واكدب ليه وعشان إيه
صاحب الحق لازم ينتصر
لو سألونى عليك
هقولهم حبيته
وعشقته كمان وهويته
مش هخاف ولا هيحصلى
ارتجاف
دا كل شيئ قضاء وقدر
لو سألوني عليك
هقول الصراحة بجد
فيه بينى وبينك ود
ومعاك عرفت الحب
وينبوع الغرام انفجر
اكدب ليه وعشان إيه
صاحب الحق لازم ينتصر
لو سألوني عليك
هقول دا كل دنيتى
وبختى ونصييى وقسمتى
وجابه فى طريقى القدر
من إبداعات
الشاعر
طه الروبى
لما بتقولى بحبك
بحس نفسى بجد
جنبك
بين ايديك وجوا حضنك
والهوى مشعلل وزايد
وجناحه فوق العش فارد
وكل يأس وكبت طارد
وبتلاعبنى وأنا بلاعبك
لما بتقولى بحبك
بحس نفسى بجد جنبك
عايش فى دنيا يا حلمت بيها
الهوى والشوق ماليها
ولو تقولى إيه تانى ناقصك
ارد أقول زدنى حبك
زدنى عشقك
خلينى أشرب وارتوى
من شوقك وعطفك
لما بتقولى بحبك
إحساس جميل بعيش
أنا فيه
وعايز اقولك من جديد
عيشنى فيه
ومش عايز الوقت منا
يهرب
عشان أفضل حبيبى جنبك
لما بتقولى بحبك
من إبداعات
الشاعر
طه الروبى
صابرين على نفسنا
علينا مين صابر
بنحلم بدنيا الهنا
والقلب متفائل
بس الوقت طال
وعلينا كتر السؤال
والوقت مش قابل
صابرين على نفسنا
بنرازى فى الأيام
اليوم علينا بسنة بيمر
بالارغام
والحلم إللى كان باين
اندفن مع الأيام
ومع الأوهام أصبح بقى
طاير
صابرين على نفسنا
بنعافر مع الأيام
ونسينا كتير نفسنا
أصل الزمن أحكام
ولا مرة سامح لنا
فى اللعب نتعادل
من إبداعات
الشاعر
طه الروبى
أقولك إيه ولا أحكيلك
ياريت احساسى يوصلك
تعبت من كتر ما بشكيلك
وعن حالى أوصف وأقولك
وتاريك بيا مش حاسس
ولا إللى فى قلبى يوم
لامس
خليك ساكت افضلك
فى حجات بالحس بنعشها
وغصب عنك بتحصلك
والحس غير اللمس
إيه تانى أنا اقولك
تعبت من الكلام والقول
وكل يوم برسلك
رسالة غرام بالعشق
محفوفة
جوا منها وردة ملفوفة
بورق الشوق وكل حنينى
برسلك
وياريت الرد بيجينى
ولا إشارة بقى منك
بقيت محتار
وخايف عليك نفسى
فارض
ومضيعلك وقتك وشاغلك
ولا انت لسه بتتاكد
ومحتاج بزيادة اثبتلك
أنا ليك صحيح مايل
ولا جواك شك وفيه
شيطان بيقولك
دا ليك مش صافى
ولا وافى
وخطوط الشر بيرسملك
لو النية مكنش فيها
الخير
ليه اتعب نفسى لجل
خاطر اوصلك
غيرك كتير موجود
لكن حبى ليك خلانى
ب أ ى طريق اوصلك
من إبداعات
الشاعر
طه الروبى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.