عبد العليم ابو عبده
صباحك ياحلوه ----- عيون بتبص للفرحه -- وبتعشق هفهفة - - نسمه -- وبسمه -- ع الشفايف بايحه -- وخدود ورد بلدى -- ريحته على كل الوجود -- فايحه -- وادين --عاشفه الحنين -- بتشفى قلوب نايحه -- ورموش -- من غير رتوش -- بتحوش -- لعاشق -- ايام كانت رايحه -- وبتهدى قلب سهران -- حفنه م الامان -- وضحكه لساها صابحه -- وقلب ابيض من البفته -- مستنى لفته -- والقى دقاته -- واهاته -- جايه ورايحه -- بتنول رضا هايم -- وسط النسايم -- بحب -- من عيون جارجه -- والوصل منك هنا -- عندى انا -- واسالى افكار سارحه -- ف جمال -- ودلال -- وخطاوى غزال -- بتهز ارض مسامحه -- وتريح كون -- من جنون -- غصن بان جايه ورايحه -- جمالك وصفه الطبيب -- لحبيب -- جواه لهيب -- وعنده م الاسى قرحه -- والبصه ف عيونك شفا -- من حر -- وقر-- وبرد افافاه -- والوفا طبع الملاح -- يا احلى صباح -- صباحك يا حلوه -- عيون بتبص للفرجه --------------------- الشاعر \\ عبد العليم ابو عبده --- كلماتى باسمى ومسجله
عبد العليم ابو عبده·
يا اسلامنا يا غالى ------- ومحفورف القلوب -- مقامك ف العالى -- وبالرضا مصحوب -- وكل من امن -- بمحمد رسول -- بوم القيامه -- سكة سلامه -- وفبول -- يادين مسطور -- ف الصدور -- ويقين -- جوه الروح -- ونور -- وربنا الولى الوالى --- يا اسلامنا يا غالى ------- يادين الرحمه والبر -- ف قلب كل مسلم حر -- بيوجد ربنا الواحد -- وذكره ع اللسان شهد -- رب الوجود -- الواجد الموحود -- لاشبيه ولانظير له حد -- اله الكون -- خالق الحياه --- والمنون -- العالم باسرارنا -- ذكره منورنا -- ف القلب -- وخاطرنا -- الله الله الله -- حبى ورسمالى -- يا اسلامنا يا غالى ---- يادين التوحيد -- والواجد الاحد الله -- قرانك مجيد -- ف القلب والروح حفظناه -- والزرق والعمر --- بارادنه -- بقلبى ولسانى -- وحدنه -- وع التوبه والمحبه -- عاهدته --- وف العافيه -- والمبالى -- يا اسلامنا يا غالى -------------------------------- الشاعر \\ عبد العليم ابو عبده ----------------------------------------------------- كلماتى وباسمى ومسجله رسميا
عبد العليم ابو عبده
ما نش خايف -- على جاه ولاسلطان -- انا خايف ع المشنه والرغفان -- وجوع يلهله بطنى وضلوعى-- ويخلى دنيتى حرمان -- والذل بس يكون طوعى -- وكل الرضا بهتان --- واصوم وافطر على بصله -- واربى ف نفسيتى خصله -- تخلينى ف شوق --- لطوق -- يشنق الانسان -- واركب الحيره -- واسافر لبلاد اساقل -- وانزل هناك -- عند هلاك -- اوطان -- وادور ع الانس والحن -- وروحى تحن -- للنسيان -- واسيب السعد لزباله -- عايشين ع البلد عاله -- بيشربوا الحشيش -- ويحلو بمفيش رهقان -- ويسود الظلم -- دنيا تحلالى -- وعلى بالى -- الحب نكران -- واصل الحكايه جاه -- نجاه -- شطان -- وخلاه للوطايا عنوان -- وسلطان الكدب دايما زايف --- وخايف من الغليان -- لاتجيله شوطه باطماعه -- ويبيع متاعه للخسران -- وارض الظلم واسعه بشكل -- وبراح للطمع والاكل -- والجوع بس -- للى حس -- بزئير جرذان --------- الشاعر \\ عبد العليم ابو عبده --- كلماتى ومسجله باسمى
عبد العليم ابو عبده
مكسبك ف الحياه --- خلفه يطلعوا رجاله -- ويعرفوا الندل -- اكل الفجل -- ولبس الباله --- ولايهمهم -- غير حقهم -- والعيشه الكريمه -- والنيه السليمه -- رساله -- وملهومش دعوه باللى غدر -- ولا اللى فجر -- ولا اللى خيبته خلته ع الناس عواله -- من سو ضميره --- تحقيره -- رماه ف الزباله -- وخلفة الراجل -- مناجل -- تحصد الخير-- ليها وللقير-- بالاصاله -- ولا يعرفوا الدناوه -- ولا الشقاوه -- ولايكونوا للعدد كماله -- وابن الراجل -- بيطلع راجل -- عمره مايتباع ف سوق الدلاله -- ولا يبقى شعر باط -- --- ولا عطاط -- زى ناس -- عديمة الاحساس -- نجسه وبطاله -- وعمر الكلب ما يخلف اسد -- ولا ام قويق تتربط ف وتد -- ولا ابن الحرام -- يكون قدام -- وكل دقيق له نخاله -- وزمن الغنوه والموال -- لاجل كتير المال -- ما استنى على حاله -- والدنيا تضرب تفلب -- والاعجب -- لما تشوف -- ف الكهوف -- عايشه رجاله -- وولاد الهفايا -- راكبين مطايا -- وسو البخت -- مهما لبخت -- همه الحثاله ---- ------------- الشاعر \\ عبد العليم ابو عبده
عبد العليم ابو عبده
·
سيبك م الحب ----- اللى يوجع القلب -- ويجبلك صداع -- حتسهر الليل -- من غير قمر -- وتشوف الويل -- ف سكة سفر -- والهمسه -- واللمسه -- مابينهم صراع -- واللى حبك -- طمن قلبك -- ع الضياع -- وخلا هواك -- هلاك -- واشترى فيك وباع -- واخرة الحب -- قلب -- مليان اوجاع -- ودمعه عين -- وحنين -- والشوق مشاع --- مابين حلم -- وعلم -- وتدور تلاقى -- التلاقى -- ظلم -- ومش كل المحبه متاع -- فيه حب -- لمركب الهنا شراع -- وبيعوم ف بحر الشوق -- وهوه طالل لفوق -- باصص ع القمر -- وبيحلاله السهر -- والبسمه -- والنسمه -- اتباع -- وكله راحة بال -- وسارح ف الخيال -- وله ف الراحه -- والصراحه -- اطماع -- دا الحب الحقيقى-- اللى بيواسينى ف ضيقى -- ويخلى حبيبى -- يحضنى بالباع -- والدراع -- ويمسح دمعه ع الخد -- ولايعرف الصد -- وكله انصياع -- للضحكه والنظره -- وفرحته ببكرى -- بتملاه اه -- بس مش اه --- اوجاع -- حب -- من قلب -- لقلب -- مايعرفش الغصب -- ولا كله كدب -- ومش طماع -------- الشاعر \\ عبد العليم ابو عبده ----- الكلمات باسمى ومسجله
ياريت شعرى --- يقراه الاعمى -- ويسمعه الاصم -- ويشوف الجاهل -- انى استاهل -- المعنى يقولى ياعم -- ويحس ابو دم تقيل -- انى شاعر عنتيل -- ويبطل فيه ذم -- وبكون كلامى برد وسلام -- على الانام -- وراحه لكل شايل هم -- وفرحه ف القلوب -- ورساله للمحبوب -- تقوله انى بيه بهتم -- وينسى الخصام -- والملام -- بشر -- شرهم انتشر -- كيف وكم ---- ياريت المحبه حروف كلام -- كنت مليت الورق سطور غرام -- والخالى حب -- والقاسى طب -- ف بحر الغرام -- والدنيا ساعت مجبه -- لكل من اليها انضم -- وعم الخير البلاد -- والعباد -- وساد -- بين الخلايق -- جو رايق -- ونسيوا الغلابه -- شريعه الغابه -- ولقمه وغموسه -- ف كل فم ------------- الشاعر \\ عبد العليم ابو عبده --- كلماتى باسمى ومسجله
عبد العليم ابو عبده ·
من شدة الفرح -- --- غيط الدموع طرح -- وكان الثمر احزان -- والعنب والبلح -- بالكيله والقدح -- مرمى قصاد حيوان -- وانا لو حنشبح -- بالففر حصطبح -- ويمسى عليه هوان -- من شدة الفرح ------ - حعبى خيبتى ف مقاطف -- ودماغى يكون سرح -- وبعيونى مش شايف -- مين سلخ ومين دبح -- من شدة الفرح ------ حتهون عليه روحى -- وتكتر حوايه جروحى --- واسمى حيتمسح --- من شدة الفرح ----- حشوف نهاية عمر -- ويشمت فيه الصبر -- والقبر حيتفتح -- وترجع روحى لخالقها -- ولاحد تانى يضايقها -- مين اللى نفعها ف ضيقها -- غير امل كان صديقها -- ودلوقتى بقى شبح --- من شدة الفرح ------- - خدت حبيبى جنبى -- عشان ما يشلش ذنبى -- واصيح ف القلب جوه --- ودلوقتى انا وهوه --- ف الحنه اهوه -- من شدة الفرح ----- ---------- ------------------------------------------------------------ الشاعر \\ عبد العليم ابو عبده --- كلماتى وباسمى مسجله
عبد العليم ابو عبده
لما تشوف جعان --- بينحت ف لقمه ناشفه ---- وبطنه بتصرخ م الجوع -- -- وجنب الحيط ملطوع -- -- ومش لاقى للراحه وصفه ---- او كركوبه عيانه ---- ولسه كاشفه -- والمرض مبهدل كيانها --- - ومفيش عشانها -- م الحنيه رشفه ----- او شاب بيحارب طواحين الهوا ---- وقلبه انكوى --- ولاشغله ولا مشغله -- -- والديون تلتله -- والحكومه عارفه --- انه مش لاقى نصفه -- وبتجمد قلبه بالاوهام --- وتبشره بالعيشه التمام --- وهى اللى خلت حال البلد واقفه --- وبتدور تكلكل ع البلد --- صبر وجلد ---- والغل -- اللى يشل -- جواها حرفه ----- انسى النهارده وافتكر امبارح --- وخلى عقلك ف يوم القيامه سارح -- -- يمكن تخش الجنه وتتمنى -- لمجتمع ظالم -- -- ملوش معالم -- وخالى م الموده --- شوطه وقرفه -- لما تشوف معاشك --- يلى الزمن حاشك --- مبيكفيش -- ومفيش --- للى زى حالاتك صرفه -- اوعى تبكى الدموع --- او تتمنى للزمن رجوع --- وانت هلاهيل وحوع -- -- موتك خليه امانى --- واوعى تعانى --- على دنيا زايفه -- الحق فيها زى الضلال -- والمحال راحه وصراحه -- ف القلب -- والعفشه -- لما تشوف الاخ --- بيقول اخ -- والقريب كلمته ناشفه -- والجار -- جار -- والعار-- مقدار -- مقوله خارفه ----- ارفع ايدك للسما --- وبصوت همهمه --- قول يارب --- تجينا م الكرب --- وخدنا كلاله - -- داحنا بقينا عاله --- على دوله -- تحت رجليها مش كاشفه ---------------- الشاعر \\ عبد العليم ابو عبده --- كلماتى ومسجله
عبد العليم ابو عبده
عيد الفلاح النهارده ------ لازرعه -- ولا قلعه -- والضحكه شارده -- والارض ملكوها الاكابر -- وعم صابر -- مش عايز معايده ----- دا عايز صحن مش -- وبصله يدش -- وغبارة غش -- وطز فش -- مفيش فايده ----- بياخد فاسه على كنفه -- ومحدش عارفه --- لاعاد عزيق بالفاس -- والراجل محتاس-- والهموم زايده ----- ومن قلة مقداره -- قعد ف داره -- والعيال كتره -- ومفيش اجره -- والمرا راقده ---- - عندها كحه -- ومفيش صحه -- للمهابده ----- والراجل اندين لطوب الارض -- وشبع تنتيش وعض -- وعاوز يستر العرض -- والغلا ناره قايده ---- - وف كل حته مزرعة البيه والباشا -- وعزبه اللى اهله كانوا قشاشه -- وان اتكلم حيتالم زى م الاكابر رايده -- --- وان بقى عنده فيراطين وزرعهم --- وجابوا -- ف بيعهم --- هوه وعياله بيغلابوا -- ضريبه -- ومصيبه -- وحكومه -- بيه مش مهمومه -- حكومه فاسده ----- عايزاه يغلاب -- وسنينه تفضل هباب -- وناره -- من مراره -- تفضل قايده -- الله وكيل -- الفلاح ذليل -- وعلى راى سعد زغلول -- ف الزمن المهول -- مفيش فايده ----- الشاعر \\ عبد العليم ابو عبده -- كلامى مسجل باسمى
عبد العليم ابو عبده
·
يا هجرة المصطفى ----- يايوم وفا للدين -- ياهجره كلك صفا -- انصار ومهاجرين -- عم الوجود خيرك -- مع مر السنين -- وعرف مقدارك بشر -- والسلام انتشر --- والمحبه سند --- لما بقى العدد --- ملايين -- ياهجرة المصطفى ----- ف الاولى كانوا
ضعاف -- والنصره م المولى -- اجمعوا يدوب الالاف --- وكان التوحيد اولى -- ونصرة الاسلام -- لكل شجاع وهمام -- هزيمه للاصنام -- الللات والعزى -- ياهجرة المصطفى -- --- سويتى بين الناس -- والتقوى هية الاساس -- ومحمد هادينا نبراس -- والبدر بالسما اولى --- والاوس -- والخزرج -- لقوا ف المحبه مخرج -- ياهجرة المصطفى --- ليثرب -- وبدر والخندق -- وبداية تاريخ وهدايه --- انتى للنفوس اقرب -- والنصر متحقق -- لدينى ف دنيايه -- ياهجرة المسطفى----- الشاعر \\ عبد العليم ابو عبده --- كلمانى وباسمى مسجله
عبد العليم ابو عبده
من قلبى بجبك ------ يامرانى -- يامنوره -- كل حياتى -- يامهنيانى -- وموكلانى -- مشتهاتى-- ومريحانى -- وانا بعانى-- المى واهاتى -- ومفرحانى -- وعشانى بتختارى اكلاتى -- وغسلالى هدومى-- وقادره نقومى -- بكل طلباتى -- ولامديون ولامحتاج -- وكتبالى كده ف الهشتاج -- ياجوزى يا اغلى م الدنيا -- يابو العيال مقدرش على فراقك ثانيه -- مهما يقولوا العزال -- ياعزوتى وسندى -- واغلى ما عندى -- يا ارض اتهدى -- ما عليكى قدى -- ف كل اوقاتى --- حبك يامراتى مالى حياتى -- من قلبى بحبك يامراتى ---- -----------------------------------------الشاعر \\ غبد العليم ابو عبده
عبد العليم ابو عبده·
ياعايم ف بحر الود ----- خد راحتك على الاخر -- دا بحر المحبه -- بالاحبه -- تلقاه زاخر -- وف كل قلب -- حب -- عنه ما يتاخر -- ولو عشناه -- ع الدنيا عمر -- وكان الشوق -- احر م الحمر -- برده -- بحلاوته -- وبسعده -- له ف الجنه اواخر -- تعيشها القلوب -- من غير نضوب -- وعمر الحب -- ف الجنه -- بيه تتهنى -- عشان ملوش اخر -- يابخت اللى سعده الحب -- وخلاله قلب -- بالهمس-- يحس -- ويتفلخر----- الشاعر \\ عبد العليم ابو عبده --- الكلمات مسجله باسمى
عبد العليم ابو عبده·
عشان الحب ---- مش عشانى -- اوعى تبقى ع الحب جانى -- اوعى تفتكر وتنسى-- ولسه -- للحب امانى -- عشان الحب -- مش عشانى -------- عشان الحب -- خليلك قلب -- يستحمل عناد -- ويسهر ليل -- ويدوق الويل -- ويرتاح لسهاد -- ويعشق نظره طاله -- من عيون ولهانه -- ويحقق طموح -- مع روح -- بالحب ريانه -- اوعى تفتكر وتنسى -- ولسه -- للحب امانى -- عشان الحب -- مش عشانى ------------ عشان الحب -- او غى تغلاب مع ظنونك -- وتخلى الشوق وقت اللقا يخونك -- خليك مع لمسه ايد -- كلها حنيه -- ودور على عيد -- وسط الاسيه -- وافرح بحضن دافى -- وعيش لحظة نصافى -- بلاش الحيره والانانيه -- اوعى تفتكر وتنسى -- ولسه للحب امانى -- عشان الحب -- مش عشانى -------------------- الشاعر \\ عبد العليم ابو عبده ---- كلماتى وباسمى ومسجله رسميا
عبد العليم ابو عبده·
عشان الحب ---- مش عشانى -- اوعى تبقى ع الحب جانى -- اوعى تفتكر وتنسى-- ولسه -- للحب امانى -- عشان الحب -- مش عشانى -------- عشان الحب -- خليلك قلب -- يستحمل عناد -- ويسهر ليل -- ويدوق الويل -- ويرتاح لسهاد -- ويعشق نظره طاله -- من عيون ولهانه -- ويحقق طموح -- مع روح -- بالحب ريانه -- اوعى تفتكر وتنسى -- ولسه -- للحب امانى -- عشان الحب -- مش عشانى ------------ عشان الحب -- او غى تغلاب مع ظنونك -- وتخلى الشوق وقت اللقا يخونك -- خليك مع لمسه ايد -- كلها حنيه -- ودور على عيد -- وسط الاسيه -- وافرح بحضن دافى -- وعيش لحظة نصافى -- بلاش الحيره والانانيه -- اوعى تفتكر وتنسى -- ولسه للحب امانى -- عشان الحب -- مش عشانى -------------------- الشاعر \\ عبد العليم ابو عبده ---- كلماتى وباسمى ومسجله رسميا
عبد العليم ابو عبده
·
نستنى -- وسبت القلب وحدانى -- بعد الشوق اليك مودانى -- ورضيت منك اسيه كتير--- وغيره وحيره لهم تاثير -- وعمرى ما فكرت -- ف هجرك والنسيان -- ولا حتى اعاتبك -- ع اللى كان -- نستنى -- وسبت القلب وحدانى ----- مفكرتش ف نظره حب -- بعتها القلب لشعورك -- مفكرتش ف لحظة قرب -- خلاها الشوق -- تروق --- لسرورك --- ومن غير وداع -- كل دا ضاع -- ادور عليك فين -- وحب السنين -- غرقته ف بحر غرورك -- ونستنى -- وسبت القلب وحدانى -------- ياريت الايام -- توريك فراقى -- نار وسهاد -- وتحس بللى بيه -- من شوق وعناد -- وتمر عليك الثوانى -- سنين -- وتسال ما تلقانى -- ولاتعرف -- انا فين -- وتدارى دموعك -- بعذاب جواك حريقه -- وكل ما تفتكرنى -- تتصورنى -- ف كل همسه رقيقه -- وتندم ندم -- اللى حب ولا طال -- ويصعب عليك القرب -- اللى كان -- كله دلال -- نستنى -- وسبت القلب وحدانى --- الكلمات مسجله باسمى -- الشاعر \\ عبد العليم ابو عبده
عبد العليم ابو عبده
·
خلاص -- ضاع الحب -- والاخلاص -- والقلب عاشر--- دموع العين -- والحب هاجر -- لامتى وفين -- والامل -- اصبح سراب -- ف دنيا -- اللوم والعتاب -- خلاص -- ضاع الحب --- والاحلاص ------- - الحب اللى عشناه -- ضحكه واه -- دلوقتى بننساه -- عشان معاد -- نسى اللقا -- عشان شوفنا -- مع الشوق الشقى ---- عشان كلمه عزول -- ليل الفراق بيطول -- وكنا بالصبر مرتاحين -- حتى ويا الانين -- ولا شافت القسوه -- مطرحنا -- ولا با للوعه -- صرحنا -- وكنا واحد --- بقينا اتنين -- خلاص -- ضاع الحب -- والاحلاص ------ ايامنا الحلوه -- جرى وراها النسيان--- وخلاها -- بلا لحظه -- ولامكان -- خد منا الاسى -- حب بيتنسى -- ولسه جوانا -- منه حرمان -- ماهو لوفيه تسامح --- كان رجع اللى رايح -- من عمرنا -- وصبرنا -- والحنان -- لكن سكة صدودك -- لقلب متلهف غليك -- ورتنى عهودك -- ووعودك -- كدب حواليك --- خلاص --- ضاع الحب والاخلاص -------------------------------------------------- الشاعر \\ عبد العليم ابو عبده -- الكلمات مسجله باسمى رسميا
عبد العليم ابو عبده
·
مخلاص يا زمن -- خدت الفلوس والعمر -- وودتنى من حالى -- لمحالى -- للموت والقبر -- ولاندمت على فراقى -- واشواقى -- نستها الصبر-- وقلت ارتاح -- من زمن رواح -- مفيش بعد ليله فجر -- ما بيستناش ع التقوى والبر -- وبيهلك اللى اتولد -- وسط الجلد -- ومافهش حاجه تسر -- وبيرسمله نهايه -- بلا هدف ولاغايه -- كانه لاعدا عليه ولامر -- وخلصت الايام -- وماتت الاحلام -- ومفاضلش ع الارض شبر -- الاوداسه الالم -- واللى اتظلم -- اخرته حبر -- يموت فطيس -- ويقضل عريس-- اللى عاش -- وحاش -- ونسيه الفقر -- ------ الشاعر \\ عبد العليم ابو عبده
عبد العليم ابو عبده
٨ دقائق ·
يسلام لو كل يوم جمعه -- فجر الجمعه -- والجمعه -- تصليهم ف الجامع -- وتتواضع ف الرايحه والجايه -- مهما لباسك لامع -- وتدعى للناس بالهدى -- ويجمعك بالاجبه الجامع -- وتحن ع الغلابه بضحكه بسماح -- ويبقى طريقك براح -- وانت رايح وجاى م الحامع -- دا كل دين غير دينا -- مش حيدينا -- وربنا جامع -- الصالح -- والطالح -- وبتاع المصالح -- والطامع -- ليوم حساب -- ما فهش عتاب ولا اسرار ف مجامع -- المفضوح -- اللى نفسه بتروح -- لدين -- من غير يفين --لاله قلب ولا مسامع -- وينسى ان خالق الوجود واحد -- وهوه لالهه -- تافهه جامع
-------- الشاعر \\ عبد العليم ابو عبده
عبد العليم ابو عبده
٤ دقائق ·
حكايتى ف الحب ----- تايه ف بحر الشوق -- وليه قلب -- بيحب -- الدنيا لماتروق -- وفين المحبه تدوم -- وكل يوم -- له غروب وشروق -- ان غابت الشمس -- بلقى القمر طالل فوق -- وبين خريف وربيع -- العمر بيضيع -- وقلبى له عليه حقوق --- محتار اسهر الليل -- ولا استنى صبح كله شروق -- سعات احب القمر-- ويحلالى السهر-- وجوايه نار الشوق -- وسعات انا م -- واحلم احلام -- حقيقتى منها تفوق -- و
تجت ضل الشحر -- وحدى -- بتخيلك ياذوق -- واحضانك وحنانك -- غطونى من تحت لفوق -- وصورولى الحب جنه -- وخلونى اتمنى -- وانا سكران عمرى ما افوق ------------- الكلمات لى ومسجله باسمى --------------------------------------------- الشاعر \\ عبد العليم ابو عبده
عبد العليم ابو عبده
٢١ ساعة ·
لبست المعانى كلمات --- وزوقتها بتعابير-- وخلتها تزوق ياخلاص -- وخلاص بقت تفكير -- وكل ماامسك القلم -- احس بالالم --- اعاصير -- واكمنى مقدرتش اوصف جمال سنيوره -- ولاوى القوره -- وانا اليها بشير -- نعانى الجمال -- وانا لسه ليه شهيق وزفير -- وقالى الكلام -- بطل ملام -- واحسن للغير -- بوصف الحقيقه تمه -- ف كل يمه -- والابتسام خير -- م الكلام -- وعلى نهج الفضيله سير -- واعملك كرامه --- وسط الندامه -- وانشد التغيير -- يمكن كلامك -- وجواه ملامك -- يصلح حال-- اجيال -- شبعها الهم تكسير -- ونال منها الحزن مناله -- وف خياله الاسى يخرس التعابير -- ويدى للصمت هدايا -- سوء نوايا-- والغدر اليك يشير ------------------------- الشاعر \\ عبد العليم ابو عبده
يازمن الغلابه -- يامضيع فلوس -- ونفوس -- والمغرم صبابه -- مغرم يعيش متعوس -- بيغنى ظاموه -- ويتوه -- وسط جوع -- ودموع -- ووسط الغلا -- والبلبلا -- مهووس -- مش عارف راسه من رجليه -- حيعمل ايه -- لااكل -- ولا ملبوس --- لسانه ناشف حطب -- من كلمه قالها ف غضب -- وشفاه -- م الاه -- ميئوس -- حيضرب الارض تتطلع بطيخ -- ولا حيتشوى ع السيخ -- ولا حيبطل صريخ -- ولا حيتملا توبيخ -- وعمرها ما حتتساوى الروس -- حيفضل التراب ملحوس -- وايد الاغنيه للبوس -- وعظمة الجبروت -- بتحرمنا م القوت -- وف ايد الشر نبوت -- بيحطم عضم وروس -- واللى بيتكلم -- اصبح خايف -- ليتالم ويفكروه مدسوس -- ونهاية العذاب راحه -- بس يلزمه جراحه -- العدل المعكوس ابوعيون عوره -- اللى بيلعب الكوره -- ويحرز اهداف -- ف اللى ف حنكه لقمه حاف -- ف قلب كل خواف -- وجون الظلم محروس -- يازمن الغلابه --- ليه وزعت الكابه -- ع اللى عايشين ف غابه -- ولالبهم انياب ولاضروس -- عشان يتنهش عضمهم -- وف القبور تلمهم -- كانهم ف حرب بسوس -- او حنود هكسوس -- او عقلهم ملبوس -- او ديانتهم مجوس -- اه يازمن -- م الشجن -- والوهن-- والكرب -- والضرب -- ع الروس--------------------------------------------- الشاعر \\ عبد العليم ابو عبده
