الشاعر \\ عبد العليم ابو عبده

صباحك يامصر -- قرص طعميه -- قد اللدعه -- وكيس فول بجنيه -- فيه -- يدوبك ندعه -- ورغيف عيش-- مليان خيش -- وطعمه -- لمونه نقعه -- وعيال --- فى الغموس -- بتلهط -- ف جو متلخبط -- ومش جدعه --- وبتكمل لقمتها حاف - - ومفيش انصاف -- حر ولعه -- ولا قله ولا زلعه --- ومفيش اميه ساقعه -- وان قولنا -- يا هووه -- يقولوا هاتووه -- ابو لباس مرقع -- ليه بيدلع -- وسنان ابوه واقعه --- والكهربا غليت -- والحيطان ع الغلابه ناقغه --- ياريتها لاحبلت -- ولاولدت -- امنا البجعه --- والاب ساب كوم عيال -- ولاخضرى ولابقال -- راضى يشككنا سلعه -- والمعاش --- ما بيكفيش -- غموس -- وعيش -- ايش حال لوعيل جاتله وجعه --- حال الغلابه عدم --ومن الندم -- المراره -- جانلها فاقعه ----------------------------------------- الشاعر \\ عبد العليم ابو عبده



يادى البلاوى --- اللى حطت ع الغلابه -- وخلتهم يشلشلوا بطرحه -- وريحة الجوع بقت دموع -- وريحة الاسى -- ما بتتنسى -- وفايحه -- وهم ما يتلم -- ياعم -- والناس على بعضها سايحه -- والزنقه -- خنقه -- ولابايدك ولا بالمنجل -- يللى بتتحنجل -- وعصاتك -- ف الناس طايحه -- ولاعندك انسانيه -- والاذيه -- ف نظرك جايه ورايحه -- بتلخبط كيان غلابه -- مغرمين صبابه -- بالكابه -- اللى لحستهلهم سايحه -- - وشربتهم كاس المر -- وبدام انت حر-- ضر -- وخلى النهايه للكل زايحه --- --------- الشاعر \\ عبد العليم ابو عبده


انا اللى عديت بحور الاسى ---- ورسيت على نهايه -- مفهاش بلدى -- وولدى -- اللى حكايتهم النهارده حكايه -- مابين جوع -- ودموع -- والكل اتكتبتله نهايه -- على ايد ين من حديد -- بكل وعيد -- بتكسر عضم الغلابه -- وبتشرع قانون الغابه -- وبتنصر عليه شقايه -- وبتحكى تاريخ الويل -- والدليل -- مكتوب على بدايه -- كلها الم -- وعدم-- وكان السعد ويايه -- خطفته ادين -- ما بتعين غير -- للغير -- راحتى وهنايه -- وسيت البلاد ملطمه -- ومتحطمه -- الامانى جوايه -- وطريق الخلاص -- خلاص -- انكتبتله نهايه -- على ادين اذلا ل -- واعلال -- ومحال شفناه -- اه -- بلا غايه -- وفين البراح -- واللى راح -- منى كان من معايه -- وسبتك يامصر-- للعصر -- م المرار-- وغلا الاسعار-- والعار -- هيه دى له البدايه -- وحرام عليه انى اعيش -- ومفيش -- ورايه غير قسايه -- واسيب لولادى-- تسلم الايادى -- والاصلاح الاقتصادى -- اللى مزع بطنى م الجوع -- وخلانى جنب الحيط ملطوع -- وضربنى بالجزمه على قفايه


ياريتك من دون الناس حبيبى ----- - كنت حبيتك -- والاحساس ف قليبى -- واديتك -- من عيونى النظره همسات -- وعنتلك اللى باقى ف العمر -- من لحظات -- واشتقتلك وعشتلك -- وبفالى معاك ذكريات -- ياريتك ------- يارينك كنت ف سكة الايام -- مكنش عمرى عدا اوام -- وراح الفلب وراحة البال -- وفضل الحب ف عنيه السؤال --- وجوايه -- شقايه والاهوال -- لاانا لاقى ف سهر الليل-- دليل -- والقمر مش راضى يصحى -- ياجميل -- والسكون -- هوه الجنون -- واشواقى -- للتلاقى -- بتميل -- وفين انته -- وف كل حته -- ما علكش-- دليل -- وعنتلك اللى باقى ف العمر من لحظات -- واشتقتلك -- وعشنلك -- وبقالى معاك ذكريات -- ياريتك ----- - حلاوة الحب ف همسه هنا -- ونظره هناك -- والحب -- جوه القلب -- لذيذ لو هلاك -- دموعه -- بتكون طوعه -- وانت عزيز لقاك -- ولما تلاقينى -- واحضانك ندفينى بحس انك ملاك -- ويحلالى ادلع على حنانك -- وابرق -- وانا بتشوق -- لامتنانك -- وعنتلك اللى باقى م العمر -- لحظات --- واشتقتلك -- وعشتلك -- وبقالى معاك -- ذكريات -- ياريتك -------- جمالك ورقتك -- حكاية عجب -- عندى -- وابتسامتك والنسمه حاوطتك -- نعيم -- بدد شقايه -- وسهدى -- وخلاتى-- وسط خلانى-- اتباهى -- غرامك -- وهوه غاوى عندى -- لابيزعل ولا بيتاثر -- وبيزيد غلاوه اكتر --- وانت من دون الناس حبيبى -- الدنيا مش سيعانى م الفرحه -- كفايه بس -- بحس --- انك داريبى -- ولو زعلتنى الف مره -- انا مسامحه -- ياريتك ------------------------- الشاعر \\ عبد العليم ابو عبده



بصبح ع اللى جاب طعميه ------ وغير ريقه -- وع اللى خد حسن النيه -- ف طريقه --- وع اللى ودته الشهامه -- لسكة سلامه -- وفك ضيقة صديقه -- وع اللى عايش باحترام -- بين الانام -- مهما نشف ريقه -- وكل لقمه حاف -- وملقاش لحاف زى مخاليقه -- وع اللى عنده القناعه كنز -- وكره اكل الوز -- وشال العز -- من طريقه -- ورضى بمحبة الناس -- ولعن الوسواس -- وحريقه -- ولاعمره ضل الطريق -- وراح لحرام -- والعيال والمدام -- عايزينه يشترى مانجه ف طريقه --- - ويحيب لحم ضانى -- وغيره بيعانى -- من ضيقه -- ولاعمره افترى -- وحس بالجرجرا -- بتوديه اتمزيقه -- انسان -- له كيان -- جعان او شبعان -- عمره ع اللى بيشتهى ما بلع ريقه -- وضربها طبنجه -- واتعشم ف رنجه -- او منجه ---اوحتى عود قصب -- مغتصب - - يبل بيه ريقه -- ولادلع نفسه يوم -- وغيره شايل الهموم -- وراضى بالمقسوم -- مهما الغلا حطم بريقه -- ووراه الليل تهار ---- وغلا الاسعار -- ملاه دمار -- واشترى بالغالى امل لاينكن تحقيقه --- ابدا لاهو صاحب ذمه استك -- وشبشبه بلاستك -- وهدومه -- ف مشيه ونومه -- محتاجه زيقه -- وعارف انها دنيا واخرتهاموت -- عشان كدا كان فدا للسكوت -- وملعون --- كل جنون -- ف قلب بشر-- شره انتشر -- وزع الاحساس -- عايز ناس -- تحب الوطن -- حتى لوكان عطن --ولاتهواش -- ببلاش تمزيقه --------------------------------------------------------------------------------------------------------- الشاعر \\ عبد العليم ابو عبده


الله لايرحمك ياعروبه -- ويخرب بيت امك ياتاريخ -- لسانا بنحرر بطوبه -- والمحتل-- عنده الحل -- بالصواريخ -- لسانا عروبه معطوبه -- لسانا شربات فسيخ -- -- لسانا خايفين من نوبه -- نطلع المريخ -- والعالم حوالينا -- ما حينا -- لاننا عروبه خيخ -- لابنقدر نتكلم -- ونبلم -- ساعة التوبيخ -- مع اننا اصل الجضاره -- لكن ياخساره -- دلوقت -- من سو البخت -- الجوع -- والخضوع -- ملانا اهه وصريخ -- وشايفين بعنينا -- ماضينا -- بيدعى علينا -- والذل -- مالى الكل -- طفل وشيخ --- واصبح العرب -- جرب -- واللى انضرب -- غقل بالتلطيخ -- الكلمه يلعها اللسان -- والعربى اصبح جبان -- ومكوى ع الزرنيخ -- والحر -- فر -- لبلاد مجهوله -- لما لقاها مشلوله -- ادين -- يامه شالت الشماريخ -- وكسرت عضم المعتدى -- وقالت يادنيا اشهدى -- واكتب ياتاريخ -- ان العرب -- مع وحدة اللغه والدين -- كانوا متحدين -- ويامه حاقظوا ع الارض -- والعرض -- ولما ضاع الفرض -- سطروا -- بالهم -- والغم -- اوسخ تاريخ -- تاريخ الخضوع للظالم -- ناريخ محو المعالم -- تاريخ اقرع -- زى هدر البطيخ --------------------------------------- الشاعر \\ عبد العليم ابو عبده



وحياتك يا قلبى ------ - يللى عشت العذاب يامه -- لاتوب من ذنبى -- اللى كان سببه ابتسامه -- واحفف دموعى -- وانسى خضوعى -- لحب مشيته -- ف سكة ندامه -- واخرتها لقيته -- لما حبيته -- مودينى --لانينى -- ومالينى ملامه --- --------------- وحياتك ياعيونى -- لانسى سوء ظنوتى -- وانيم جفونى -- ف ليل اخره صباح --- واريحك من نظره -- لوشوش كتير غادره -- وانسيكى النواج ---------- وامشيكى ف طريق للنهايه -- حلاوته م البدايه -- انه له بدر وصباح --- وحياتك ياروحى -- يللى بالالم بتفوحى -- ومليانه جراح -- لاعيشك ف الجنه -- ع الارض ونتهنى -- بنسيم وخضره و-- وشوش ملاح -- ونحب ونعشق براحتنا -- والكون كله ساحتنا -- والشوق جوانا براح -- دا الحب حس وشعور -- جوه الكيان مبدور -- وبيودى لسرور -- وحياتك ياقلبى -------------------------------------- الشاعر \\ عبد العليم ابوعبده


عطشان يا بلاد النيل -- لشربة ميه ترطب الضلوع -- وتروى عطش اللى مفيش لشمسه طلوع -- ولاتوديه للجفاف -- واكل الحاف -- والخضوع -- وبدل مايشرب من كعانه -- يشوف امانه -- وسط الربوع -- ويروى ارض عطشانه -- ومن اه يانه -- بترويها الدموع -- وسكة الراحه بعيده -- والضحكه شريده -- والليل طويل -- ومفيش قنديل -- ولاحتى شموع -- وبنور طريقى بعشم -- اخرته ندم -- ع اللى كان -- من مكان -- عشت فيه السعاده -- واللقمه زياده -- بترد جوع -- والكرامه هلال ف السما ---والنفس متكرمه -- من ناس -- عندها احساس -- وقلب بالمحبه قتوع ------------------------------------------------------------------------------- الشاعر \\ عبد العليم ابو عبده


عنيك فيها الدموع ----- مين زعلك ----- اوعى تعرف خضوع -- للى بيجهلك -- ---- دانته الضحكه الحلوه -- اللى بتخليك ملك ---- خليك بروحك المرحه -- نسمه جايه ورايحه -- وقلبك الفلك --- -- وسيبك م اللى اهملك -- دانته القمر ف تمامه -- وانت السعد وايامه -- حبك باديك زمامه -- اهديه للى يفهمك ---- - وبعرف ف الاصول -- وان الحب المهول-- قلبك ملك ---- - انته غاية الهنا -- وانت نوال المنى -- واللى حبك انا -- وقلبى بيسالك ----- - ياترى انت حبيبى -- وحاسس بلهيبى -- اللى جوايه مقدرك ---- - الشوق راجلك بحاله -- وشد اليك رحاله -- وانت حقيقته وخياله -- نجيه م الهلك ---- - وابتسمله --- وارسمله -- وياه مستقبلك -- -- نسينى -- دموع حيرانه -- وروح -- فيها استكانه -- وفلب -- بالحب -- لك ملك ----- ولو دى الحقيقه -- فين الابتسامه الرقيقه -- دافيه مليون طريقه -- للغرام توصلك --- - منها قلبى اللى حبك- ----- والشوق اللى سبته جنبك -- وعيونى اللى لطريق الفرحه -- واخداك معاها ورايحه -- وللاحضان بتقربك -------------------------------------------------------- ---------------------------------الشاعر \\عبد العليم ابو هبده



فرمان من الباب العالى صدر ----- ممنوع حد يسهر ف ضى القمر -- ولايشوف شواشى النخيل -- ولايميل -- غير للضجر -- ولايتهنى -- ولا يتمنى -- غير يفتقر -- ويتحوج للبرادعى -- لو حيدعى -- ان الاغنيه يخشوا سقر -- ولاحتى كمان -- يحس بامان -- ويفتح مع اكل الجزر -- -- ويتملط -- ويتشلط -- ويتعذر -- لازم حياة الغلابه -- تفضل غابه -- فيها القوى -- على الضعيف ينتصر -- دول مش بشر-- دول شر انتشر -- عايزين اكل وراحه -- وذمه وصراحه -- وقلب طيب -- منهم قريب -- على حالهم ينفطر -- ومفيش احساس -- عند الوكاس -- يصبرهم ولا عنده بعد نظر -- دا لوكلمه حلوه -- تتغلى غلوه -- وتتحط ف صحن -- المحن -- الكل حياكل -- ويروح هدر -- وحتشبع بطون -- عايشه الجنون -- والغلا اعمى البصر -- ومفيش يواسى -- ساعة الماسى -- عير اللى زيك ف الزقاق انحشر -- والدنيا نضر ب تفلب -- واللى بيتعب -- هوه اللى انعصر -- مابين جوع -- ودموع -- وكى ع الزرنيخ -- وصريخ زى المطر -- ولاحد سامع -- اذان ف الجوامع -- كله عبر -- الدنيا تلاهى -- واللى زاهى -- هوه اللى كفر -- ومص دم الغلابه- -- - وملاهم كابه -- لما الفقير انشطر -- وحاله بقى حال -- هوه والعيال -- والسؤال -- ايه تانى منتظر ------------------------------------------------------------------------------------------------------------------- الشاعر \\ عبد العليم ابو عبده