شاعر ربابه
ابدى الكلام بالصلاه
على نبينا الزين
قمر بنى هاشم
وجد الحسن والحسين
اه على طولك يالليل
ولا يوم على تقصر
انا لبست التوب طويل
ما عرفت يوم اقصر
عشق البنات الجميلات
على طول الزمن يكسر
يخليك غاوى السهر
وتعيش العمر متمرر
ومن الطيب والايدام
اياك يوم تزيد و تكتر
كل عيوبى للناس بينات
وانا لعيوبهم دايما بستر
محلاك جميل ياليل
لما زكرى الحبيب
تهل ولا ع البال تخطر
وان كان طبعك الاصل
اوعى معروفك للناس
بيه تزل ولا يوم تقصر
الحلا والزين ابدا ما دايم
لما يجى الموت
ما يبقى غير شرار البهايم
ياما لشيوخنا علينا كرامات
تبان لما نحادث علايم
انا ما اغير كلامى ولا ارده
اماالخسيس عليه الغلط عايم
وان كان على الكلام محلاه
بالصلاه على سيدنا النبى
دايما يكون مبتداه
اسمع كلامى ليك نصيحه
استر على العيبان
متعملش انت الفضيحه
دى الدنيا لحد ما ديماش
دنيه رديه وقبيحه
ماتاخد منها غير القماش
لما تموت وتبقى سطيحه
الناس على المال خوانق
اكفينا يارب شر المزانق
مهما تنصح ما سمعاش
ديما تزعق تبرطم تخانق
والعيال لينا ما فهماش
ترابى حريم ورديحه
باين عليها ما لماش
الادب ماتلقى منه ريحه
ولا زوق تعرف ولا احترام
تلاقيه طول الليل سهران
يجى العصر لسه ما قام
ابدا ما يسمع كلمة كبيره
تلاقيه دايما طمعان
فى اللى يحوزه غيره
والكلام ابدا ما خلصان
غير بمسك الختام
نبينا محمد خير الانام
عليه الصلاة والسلام
الشاعر/عزالدين جبريل
لخبطه
كل اما اجى اكتب
الملم حروفى وارتب
علشان اقولك قصيده
الاقى نفسى بكدب
يضيع منى الكلام
والاقى الوزن يقلب
وقلمى م الشخبطه
يخلص وايدى تتعب
عاوز اوصف جمالك
اوصف لون عيونك
اتكلم عن جنونك
ولما تزعلى منى
ازاى احساسك يخونك
ولما تقولى بحبك
ازاى بس تطلع
ولما ابعد عنك
نار بعدك بتلسع
نفسى انتى تتكلمى
وانا بس اسمع
ولما اجى اصدق
الاقى الكلام اتلون
اخد لونه من لونك
نفسى بس اوصف
الحنيه اللى فى عيونك
الهداوه فى الكلام
الشفايف ف الابتسام
الاقى قلمى يشكى
انى ما بعرفشى احكى
ولا عارف ليكى اوصف
الاقى قلمى سنه يقصف
واحط ايدى على خدى
اعمل ايه ماهو بيدى
انتى عاوزه لك ربابه
تغنيلك وصبابه
انما انا وقلمى
يادو بس غلاب
الشاعر/عزالدين جبريل
بقلم الشاعر /عزالدين جبريل
عذرا سيدتى
فميعاد نهاية قصتنا قد حان
لم يعد الحضن يشعرنى بامان
فكثيرا كانت رواياتى
تبدأ فيها قصة كذب
وغالبا كانت نهايتها
ان من كذب باولها
جاء فى اخرها وقد خان
ثلجت كلتا شفتيك
وماتت كل مشاعرك
والحب لديك قد هان
كنا دوما نحكى قصص الحب
وتسعد كلتا قلبينا
والان اصبح حبك سجان
شكرا لجميل اهمالك
وهروبك منى جميع اوقاتك
وشرود عينيك ونظراتك
بلا عذرا او حتى استئذان
فجنانك صبحت خاوية
لم يبقى فيها قطف او ريحان
فعلام يكون السجن لكلينا
وسمعى لكلماتك اصبح ولهان
وشوقى للقاؤك قد مات
وقطار الحب قد مر وفات
ولم يبقى للقيانا لذات
اصبحنا زوبعة فى فنجان
هل انتى السجانة لقلبى
ام حبى اصبح هو السجان
فعلام سيدتى تعلقنا
هل هو خوفا من الحرمان
ام عشق فينا المسجون
غلظة قلب السجان
ابتعدى عنى بلا سبب
لا اريد لفراقك استئذان
فعلام يبقى كلانا مسجون
وقصتنا قد بدأت بالكذب
وكلانا للاخر قد خان
ابتعدى عنى سيدتى
فميعاد نهاية قصتنا قد حان
والحب بطرفينا قد هان
وابدا ما طلب الوصل استئذان
وابدا من احب بالقلب قد خان
فالاسود صار لكلينا كل الالوان
سأرحل عنك وبلا استئذان
فميعاد نهاية قصتنا
سيدتى قد حان
استفيقى
استفيقي ايتها الغافله
فقد ولى قطار ليلتنا
وذهب الحب مع القافله
فعلام تمثلين دور النيام
أأرهقتك الليله الحافلة
شبعنا فيها من مطارحة الغرام
وكانت تأوهاتنا فيها سافرة
انتشينا فيها حتى الانتقام
وقد ولت نوايانا الفاضله
فعلام يأأمرأة ذاك الملام
هل كنتى عن الفعل غافله
فكم اقض الفكر منا المنام
وكم اصبحت كلماتك فاترة
لم يعد يجدى التأوه او الكلام
فلم نستطع فى اللقاء مثابره
لم يكن خيال او من الاوهام
فلم اراكى يا إمرأة هائمه
ضحكاتك ايقظت كل النيام
فلم اجدك مندهشه او متألمه
لا تنتظرى بعدها منى وئام
او تكون هناك ليلة اخرة
الان أقرء سمعك السلام
وان اتى ذكرها سأقول غابره
الشاعر /عزالدين جبريل
حبيبى بشتاق لك
وانت تشتاق لى
والاقى نار حبك
فى البعد تحرقنى
الاقى صوتى ينده لك
والاقى خيالى يسر ح لك
والاقى نفسى فى حضنك
تفضفض لى وافضفض لك
وايه تسوى حياتى من بعدك
لو فى عز الليل انا احتاج لك
تنام انت وانا اسهر
ووقت الشوف مزاجى يتعكر
فى ناس ترتاح بالنوم
وناس تقضى الليل بتفكر
فى ضحكه من شفايف
تقول شهد متكرر
تقول احلى م السكر
يجافى عيونى النوم
وابات مهموم واقول بكره
مسيرى المسها
واحس بنفس احساسها
واشكيها انا لناسها
واقول طيفها بيهجرنى
وجلجلة ضحكتها فى ودانى
طول الليل تسهرنى
اقول يارب قدرنى
اقضى العمر اسعدها
اقول يارب قربها
وابدا عنى ما تبعدها
الشاعر عزالدين جبريل
لخبطه
كل اما اجى اكتب
الملم حروفى وارتب
علشان اقولك قصيده
الاقى نفسى بكدب
يضيع منى الكلام
والاقى الوزن يقلب
وقلمى م الشخبطه
يخلص وايدى تتعب
عاوز اوصف جمالك
اوصف لون عيونك
اتكلم عن جنونك
ولما تزعلى منى
ازاى احساسك يخونك
ولما تقولى بحبك
ازاى بس تطلع
ولما ابعد عنك
نار بعدك بتلسع
نفسى انتى تتكلمى
وانا بس اسمع
ولما اجى اصدق
الاقى الكلام اتلون
اخد لونه من لونك
نفسى بس اوصف
الحنيه اللى فى عيونك
الهداوه فى الكلام
الشفايف ف الابتسام
الاقى قلمى يشكى
انى ما بعرفشى احكى
ولا عارف ليكى اوصف
الاقى قلمى سنه يقصف
واحط ايدى على خدى
اعمل ايه ماهو بيدى
انتى عاوزه لك ربابه
تغنيلك عشق وصبابه
انما انا وقلمى
يادو بس غلاب
الشاعر/عزالدين جبريل
دنيا غريبه
دنيا غريبه ومش مفهومه
لما تشوف الناس الظالمه
او تسمعها تطلع مظلومه
دنيا عايشين فيها بس عزاب
كل جراحك ولا فيها عتاب
وادينا عايشين امل كداب
لما نفكر نحب ونحلم
نلاقى ان الحلم سراب
ولما بتيجى الضحكه الرايقه
او حبيتى تقولى كفايه عزاب
نلاقى خلاص القلب تعبنا
ويكون ابيض الشعر وشاب
جايز الحب ممكن يظلم
بس انا هفضل احلم
احلم انى لسه شباب
مش عاوز اظلم ولا اتالم
بكفايه علينا يا دنيا عزاب
ليه لما بنفرح منصدقش
ولما بنصحى ولا نفوق
نشرب مر بدال ما ندوق
كفايه خلا ص اصحى وفوق
زمنك عمرك حلمك مسروق
كفايه خلاص ولا فيش احباب
جايز يمكن او علشان
خلاص ابيض الشعر وشاب
حتى لما نلاقى الفرحه
تبقى من غير لبس الطرحه
طب ايه تفرق انى انام
او حتى لو ممكن اصحى
ما دام كرهتنا خلاص الفرحه
ولا مفيش للقلب احباب
اصلى خلاص ابيض الشعر وشاب
الشاعر/عزالدين جبريل
كان نفسى
تكونى نبع صافى
لى على طول طريقى
مش يادوب بلة لريقى
كان نفسى حبك يدوم
ميكونش يوم ويوم
اتقابلنا والسكه صعبه
كنا حاسين جوانا بغربه
واحنا الاتنين مجروحين
ناقصنا شوق وحب
ونفسنا نرتوى م الحنين
شربنا منه احنا الاتنين
بس لما منه بنعطش
بيقتلنا من تانى الحنين
ممكن يكون لقانا غلطه
لكن بنرتوى منه فرحه
بس حاسبى انتى خاينه
وانا برضه زيك تمام
ونسينا برضه نسأل
ايه حلال وايه حرام
مفكرناش غير ف الغرام
انتى لى كنتى غلطه
وعشقنا كله طلع حرام
ومش قادر عنك ابعد
ولا عنى انتى بتبعدى
عايشنها عيشه غلط
وكل واحد منا بينبسط
طيب ممكن ليكى سؤال
هننهى القصه ولا محال
يعنى ممكن يوم نتوب
ولا هنقضى طول عمرنا
عايشين ف غلط وزنوب
الشاعر/عزالدين جبريل
ماتساليش
إياكى يوم عن زكرياتى تسألينى
أنا بحبك ومش عاوزك غير تحبينى
الزكريات ماضى وخلاص إنتهى
وكل حاجه بتاخد وقتها
حبيتها قبلك آه عشقتها
كانت حياتى ملكها
ولسه باقيه زكريات لحبها
بس خلاص إفترقنا
وأنا خلاص سبتها
سبت حبى وجرحت كمان قلبها
لو سألتينى تانى مره
مش هكدب عليكى وهعترف لك
إنه ساكن جوه قلبى حبها
لو عاوزانى أنساها
حبينى ولو عشر حبها
وأشك برضه إنى أنسى
واحده قلبى ياما سابنى
جرى وراها وراح لها
خلينى أعشقك خلينى مجنون
أصرخى قولى بحبك
عاوز صراخك يهز الكون
عاوز أحس فيكى بالجنون
ساعتها ممكن أحبك عشر حبها
ولو مره تانى هتسألينى
قلبى هيسيبك ويروح لها
لأن قلبى داب قبلك ف حبها
وسؤالك أسف لو هقولك
صحى إحساسى لها
ودلوقت بس أقدر أقولك
مش هقدر أحبك إنتى
علشان صحيتى فيا حبها
الشاعر عزالدين جبريل
الغدر
اياك تغرك السعاده
ولا سكرها الزياده
ساعتها هقول
انك عبيط
او تقول عليها ساده
ناس بتحضن فى الوساده
خلاص عنديها عاده
هو صحيح الحياه بتجرح
بس فيها حاجات تفرح
وناس بتقتل بالبلاده
لما يوم تحس انك
اديتها كل حاجه
ساعتها مش هتلاقيها
تكون خلاص بعيده عنك
هتلاقى نفسك عليك بتضحك
وانت لسه شاربها ساده
بعد ماكان واهمك
انه حبيبك وانه حسك
وانت معاه تنبح فى حسك
فتحت قلبك ليه وطلعت
كل شئ كان يخصك
واتاريه عمال يغشك
بس الضحكه تكون فى وشك
والطعن شغال فى ضهرك
وانت جبت معاه لاخرك
لحد لما بقيت عبيط
كنت سايب له مشاعرك
يعزف الالحان عليها
يرسم عليك دنيا حلوه
وهو كان عليك يشخبط
وانت مابتشوفش نفسك
اللى كان يضحك عليها
الشاعر/عزالدين جبريل
نوح يا حمام
نوح ياحمام فوق القبب
وعلى صوتك صحى العرب
عيسى المسيح
ولا انقتل ولا اتصلب
وصلاح الدين
ولاقتل ولا اغتصب
لكنه حرر قدس العرب
بس واحد م اليهود علينا كدب
قال القدس مش ملك العرب
ولا ملام ولا حتى عتب
اذا اساء السفيه فى الادب
ارض العروبه ياوطن
صلاح الدين مات واندفن
بعد منه فين حكامك يا وطن
حاكم ساكت وواحد ضعيف
واللى مات وصابه الرمم
رئيس بلد مشنوق
وطفل نايم فى الكفن
وامه خرست صابها الصمم
عاوزين نصحى الحمام
ونتوحد ونبقى ايد واحده
وامه متحده ننسى الملام
الغنى محتاح واحد فقير
والصغير برضه عاوز كبير
كلنا لازم نحتاج لبعض
ونبقى ايد واحده امه متحده
نخاف على الارض والعرض
بدل ما نشبع م الكلاب عض
الشاعر عزالدين جبريل
عروسه ماريونيت
الحياه دى زى مسرح
واحنا عايش فيها اوبريت
بتحركنا زى عرايس ماريونيت
ولا فارقه معاها مين بيمثل
ولا مين بياخد وقت الرست
شويه ترقصنا واحده ونص
وشويه ترقصنا رقصة تت
ولما ناخد دورنا نخلص رقص
بتعلقنا زى عرايس
بتشبكنا ف بعض
ولا تعرف راجل كان أو ست
ناس بترقص ناس بتغنى
وناس ف دورها بتعزف ناى
إستنى شويه دورك جاى
خليك مربوط بخيوطك
لما تاخد بالها ولا تشوفك
خليك متلخبط وسط اخواتك
الرقصه دى مش علشانك
اوعى تغنى خليك فى مكانك
اصبر حبه دورك جاى
إياك تفرح او تتنطط
آحسن غصب عنك ممكن تغلط
تاخد دور ولا هوش دورك
ولا هتراعى حتى شعورك
ممكن تزعل ممكن تفرح
إنما تتحرك مش بمزاجك
إصبر حبه دورك جاى
ممكن مثلا خيطك يشبك
او حتى خيوطك كلها تتلعبك
وجايز ممكن ولا هتشوفك
تقضى العمر خلاص مدارى
ولا هتمثل دور بياع
ولا هيجى عليك دور الشارى
تمد إيديها ولا هوش ليك
تاخد واحده من جنبيك
ولا تاخد بالها م التشبيك
العيب فيها ولا هوش فيك
وترقصها نفس الرقصه بتاعتك
وانت ياعينى عليك متشبك
إصبر حبه دورك جاى
تمد إيديها من تانى عليك
تفرح إن الهزه فردت إيدك
والشده التانيه فردت رجلك
تلاقى الخيط فيك متلعبك
تزهق منك تسيبك تانى
إصبر حبه دورك جاى
تزهق منك من لعبكتك
وتغلب ان تفك شبكتك
تزعل منك تذيد لعبكتك
راح ترميك وسط عرايس
عرايس تانى ولا هيش شكلك
تعدى أحلى سنين العمر
وسط عرايس ولا بتلعبك
إنما إنت ياعين عليك
طول العمر اما مشبك او متلعبك
زى عروسه ماريونت
الشاعر/عزالدين جبريل
ارجعى
ارجعى لى واسمعينى
وبين ضلوعك سكنينى
وحشتنى ضمتك احضنينى
مشتاقه عيونى لعنيكى
متخلنيش اضيع من ايديكى
اسألى حتى احساسك
ايه دلوقتى شعورك
ارجعى حياتى بعدك عدم
كلها عزاب صبحت الم
متخلنيش فريسه للندم
ولا يوم فارقتنى زكرياتك
رجعينى تانى نور حياتك
متزوديش اهاتى واهاتك
ارجعى لى ضحكه صافيه
وابتسامه حنونه دافيه
ارجعى يا سكر زياده
تعبت انى اعيشها ساده
ارجعى وكفايه خلاص
متقتليش جوانا الاحساس
ارجعى ولا خلاص نسيتى
انه حضنى هو بيتك
وبين ضلوعك سكنى وبيتى
ارجعى زاد ليكى الاشتياق
ولا يكون عجبك الفراق
دا احنا مابينا اتفاق
هو انتى مش وعدتى
انى هفضل نور عيونك
وانا وعدتك مش هخونك
طب ليه نسيتى وعودنا
واحنا اللى ع الحب اتعاهدنا
الشاعر عزالدين جبريل
مجروح
انا المجروح من جفاكى
وانتى الى جرحانى
بتشتكى من تعبى
وانتى الى تعبانى
انتى يالى دموعك
نازله على خدك
قلبى مابين يدك
جميلة الطبع والصوره
والناس بتشهد لك
خفى على نار العتاب
قلبى مهوش قدك
انا الى صادق فى الود
وانتى غدرك بلا عد
وان كان على حبى
وﻻ قبلك وﻻ بعدك
لو لى عندك خاطر
شيلى الدمع على خدك
ياساكنه القلب وزيناه وحدك
لو يكفيكى حبى وقلبى
قلبى وعمرى اهو بيدك
بس امسحى الدموع
من على ورود خدك
الشاعر/عزالدين جبريل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.