تغيب عنى مهما تغيب
حتفضل أغلى حبيب
شوقك فى قلبى قايد
وفى حبك أنا دايب
لو غبت عنى سنين
جوايا شوق و حنين
ما أقدرش فى يوم أنساك
ولا أعيش من غير هواك
لو عينى مش شيفاك
قلبى عمره ما ينساك
خليك دايما فاكرنى
ده أنت اللى شاغلنى
&أغلى حبيب&
للشاعر عوض على سالم
كرهتك وكرهت نفسي معاك
كرهت حتى الحياة وياك
لو عندك كرامة أبعدنى عن هواك
بعد ما شفتك بتخون وقلبى عليك يهون
أزاى فى يوم أكون راضية وساكتة بالخيانة
مش قادرة أسامحك ولا عينى تيجى فى عنيك
ازاى عايزنى أوافقك وأرضى بالإهانة
مش طايقة أشوفك قدامى
أبعد عنى ياريت كمان تنسانى
همحى كل ذكرى وكل كلمة فى يوم قولتهالى
حتى صورتك حشيلها من خيالى
اللى يحب بجد صعب يحب تانى
واللى يخون مرة مستعد يخون تانى
ياريت اللى عملته معايا متعملوش مع حد تانى
روح لحالك وسبنى كمان فى حالى
&كرهتك &
للشاعر عوض على سالم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.