باب الحزن ليه ................مفتوح
فين سكان القلب و ............الروح
راحوا اللي كانوا النور........للعيون
خدوا الفرح وسابوا .........الجروح
ياللي عشانكم ماتخلص... الدموع
والقلب هيعيش عليكم.....موجوع
يبكي عليكم سنين ويزيد... الانين
راح حضنكم و معتش........ رجوع
بس بتطل من جوا طاقة....... نور
دعوة من القلب تعدي.......... بحور
يغفر الذنوب ويجبر .........الكسور
وف الجنة وذنبكم .............مغفور
..منال عبد الهادي..
ولا كل اللي بيضحك مرتاح
اوقات يبقى الكلام انكسار
اوقات ورا الضحكة جراح#المنال
زارع الورد...
يا زارع الورد بالحب....ارويه
ومن قصايد الود........ اسقيه
وعطّر إيديك ...........بعبيره
وجّمع ورد للحبيب ....يهديه
وحاسب لأشواكه.... تجرحك
ودموع فراقه ..........تدبحك
دا نظرة للورد.........هتيريحك
اصل للورد كلام .......يحكيه
بيواسى اللي حزين... غضبان
ويطمن اللي قلبه ......حيران
ويعزف ويغني.......... الألحان
وبقلبنا بنسمع............ غناويه
منال عبد الهادي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.