احمد ربك ---- ع الستر والصحه -- كفايه لاعندك ربو ولاكحه -- وبتمشى على رجليك -- وبتشوف حواليك -- لارمد ف عنيك -- ولادماغك سايحه ------- احمد ربك -- ع اللى عندك -- لو كفو البيت -- عيش وغموس -- ومرتاحه النفوس -- بدل كلمه ياريت -- وانت اتهديت -- وايامك ع الدنيا رايحه -------- احمد ربك -- على حبك للناس -- والراحه جواك احساس -- لابتزعل -- ولا تزعل -- ولابتكره -- وعتدك وسواس -- قلبك طيب -- وكلامك معقول -- ولا غضب عليك الفول -- ولا كل حقك مره الغول -- ولاعيوتك ع اللى ضاع نايحه --- دا ستر الله -- بالغ مداه -- لاتعب ولا اه -- وحلوه الحياه -- وريحة السعاده -- بزياده -- عندك فايحه ---- البطن لابتشكر ولا بتذم -- املاها بالموجود تشبع -- وكل من قدامك-- يعلا مقامك -- واقعد مربع -- لاخوف ولاضيم
--- ومفيش مليم-- وضمير سليم -- عيش واتمتع -- وعنيك -- للى حواليك ---بالرضا بايحه -------------------------------------------------------------------------- الشاعر \\ عبد العليم ابو عبده
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.