قصيدتي الجديدة
(عمدة بلدنا )بعد توثيقها
قالو كلب العمدة مات
بسرعه نجري نعزي فيه
عمدة بلدنا لما مات
ماحد فينا سأل عليه
لو مرة يمشي وسطنا
الكل كان بيبوس أيديه
ولما اخده ربنا
في داهية غير مأسوف عليه
كان مفتري وعبد القوي
ولا حد يقدر يشتكيه
ولو نفكر نشتكي
هو احنا ليهم نسوي ايه
لو حد يوم يعمل دكر
يتمد ابوه قدام عنيه
ويلبسوه كل التهم
ويشهدو الدنيا عليه
ويدخلوه جو القفص
مع الكلاب تعض فيه
العمدة حاكم البلد
والكل حواليه بيراضيه
هو القانون والمحكمة
وتمللي يلعب بالجنيه
لو حد طرفه يوم ظلم
بيعاقب المجني عليه
اهو مات وراح لربنا
قدامه عمله هيلاقيه
ويشيل حسابنا كلنا
وبعمله ربه هيجازيه
.......................
الارض جفت من زمان
والدودة طلعت في الغيطان
والحدوة وقعت من الحصان
والسمك قايم بيجري
لاجل يهرب من الحيتان
ساب غريب يقتل اخوه
علشان يعيش هو في امان
ساب الحبايب كلهم
وارتمي في حضن الشيطان
باع الشهامة والرجولة
حتي سيفه والحصان
خلي صاحب الارض يجري
يرمي نفسه في البحار
لأجل لقمة عيش ياكلها
كلها ذل وهوان
الحرامي يزيد رصيده
والشريف عنده يهان
ضلمت عين العدالة
حتي مالت بالميزان
الاراضي جردوها
المصانع خربوها
يسرقوها ويلعنوها
علموني اعيش جبان
اغض بصري عن الفساد
شمعو ليا الودان
لو في مرة احاول انطق
يقطعو مني اللسان
عمدة مات وعمدة جاي
يارب عديها بسلام
.....
رضا ابو شنب
مصر/ المنصورة/ ميت غمر
٠٦/٠٩/٢٠١٨
قصيدتي الجديدة
بعد تسجيلها وتوثيقها فيديو
(ازمة ضمير)
الازمة مش ازمة بلد
الازمة دايما في الضمير
الازمة بتكون في الادب
لما الصغير في المقام
يدوس تمللي عل الكبير
لما الغفير بيفتكر انه مدير
وبطرف عينه يبصلك
كانه مش عندك اجير
ولو بتشكي للمدير
سيادته مشغول بالمدام
قاعد وهيمان في الغرام
وتساله فين النظام
يبص من غير احترام
وينسي نفسه في الكلام
ويفتكر نفسه امير
واحد يغش في اللبن
ويزوده ميه وجير
واللي بيخلط العفن
ويسقي للناس العصير
الغش حتي في الرغيف
مرة يغشو في الميزان
ويسخطوه يبقي صغير
او يعجنو معاه التراب
ويحسسوك انه فطير
الازمة مش ازمة بلد
الازمة دايما في الضمير
فقير ومش لاقي الدوا
ولا حتي بيلاقي السرير
ولا حتي كلمة حنينة
تطمنه علي المصير
ولو بيشكي من مغص
يعاني من امراض كتير
ولوفي مرة تعترض
تبقي انت ارهابي كبير
الازمة مش ازمة بلد
الازمة دايما في الضمير
جزار كبير دابح غنم
وعجل حجمه يا ناس كبير
طول عمري بتعامل معاه
ويمسكوه بلحم الحمير
عايش حياتي في الطابور
واقف ومستني المصير
ولما تيجي جنبهم
تلقي الجنية منك يطير
الازمة مش ازمة بلد
الازمة دايما في الضمير
رضا ابو شنب
مصر
٣٠/٠٨/٢٠١٨
قصيدتي الجديدة
في الزحام
بعد توثيقها صوت وصورة
في مؤسسة اسرار الاسبوع
الشاعر رضا ابو شنب
ميت غمر دقهلية
١٠/٨/٢٠١٨
وانا كنت ماشي في الزحام
تعبان بعاني من الالام
راسي بتشكي من الصداع
والبرد وياه الزكام
الاقي حد يزقني
والتاني يضرب من الامام
واللي علي رجلي يدوس
ويبتسم لي في الختام
واللي يرفع ايده ليا
كانه يضرب لي سلام
سامع كلام جواه كلام
واحد تمللي بيشتكي
وعجوز وغرقان في الغرام
واحده بتحكي عن الخضار
والتانيه بتنضف حمام
وغفير بيسال المدير
هو الدولار اليوم بكام
وطابور طويلللللل
مليان صراخ
وشاويش ينال الاحترام
وصوت شديد بيهزنا
صوت الضمير
فقيرو ضايع وسطنا
وصراخه يعلي للسما
يامن بايدكم امرنا
الضرب في الميت حرام
يامن بايدكم امرنا
الضرب في الميت حرام
............
وانا في الزحام
وبعاني لسه من الام
لقيت عنيا قفلت
وروحي سرحت في الخيال
والشمس بعدت عننا
والكون بيسبح في الظلام
لاقيت ضعيف علي الرصيف
جنب اللي بيته من رخام
لقيت كفيف ماسك رغيف
وبيحسدوه علي الطعام
ولقيت غني ماله حرام
بيطيره زي الحمام
لقيت غفير راكب حمار
وهو فوقه بيترسم
بيضربه تحت الحزام
و جماعه كانو بيضحكو
بيحكو عن راجل جبان
بيعلي صوته وسطنا
وتمللي خايف من المدام
وعبيط وسارح بالغنم
مرشد يغير الذمم
ويلقبوه صاحب المقام
بيغيرو في دين النبي
اللي بنوره بهتدي
ويعيشو دايما في الظلام
لو جينا نمشي للامام
بيرجعونا الف عام
...........
سامع كلام جواه كلام
صداه يزلزل المكان
بنكتمه جوا النفوس
ونعاني من كتر الالام
سمعته مرة من فؤاده
وشوفته مكتوب
علي الحيطان
كلام بيخرم الودان
اخاف يحاسبوني عليه
لو قلته مرة في المنام
مكتوب عليكي يا بلدنا
يسرقو منك اثارك
يفسدو فيكي الطعام
يقتلو زينة شبابك
حتي في عز الصيام
يقتلو فيكي الصناعه
ويرفعو فيكي الدولار
هما يا امه بيسرقوكي
واحنا بنشد الحزام
هما يا امه بيسرقوكي
واحنا بنشد الحزام
قصيدة الشاعر الحزين
....................
لما جيت اكتب قصيدة
حروفي وقفت لي انتباه
قالت قبل اي حاجه
تعالي نذكر الاله
والعمل ويا الفريضة
هما دول طوق النجاة
لما جيت اكتب قصيدة
حروفي وقفت لي انتباه
الحروف دايما تعاند
وتخاصمني بالسنين
وتعاتبني ليه يا شاعر
كل كلامك حزين
قلت ليهاغصب عني
ان قلبي يكون حزين
من اللي شوفته في حياتي
واللي عشته من سنين
واللي يوماتي بشوفه
من الالام المجروحين
الغلا دمر جيوبنا
والغلابه مفلسين
الفقير دايما يعاني
والغني جلده تخين
ياكلو من اكل الغلابه
والغلابه ياكلو طين
يسرقونا في كل حاجه
ويتهمونا في الطحين
ردي يا حروفي عليا
ياللي بتلومي الحزين
هو ده ينفع يا ساده
هو ده في شرع مين
ردي يا حروفي عليا
ياللي بتلومي الحزين
................
في شرع مين
في شرع مين
ان الفقيريعيش حياته
في التابوت
وليه صراخه ينكتم
ويعلي صوته بالسكوت
ويربطوه ويعذبوه
بين خيوط العنكبوت
مش مهم انه يعيش
مش مهم انه يموت
المهم يثبتوه في الجداول
لاجل ياخدو منه صوت
ليه يا بلدي
ليه يا بلدي وحدي اشيل
وزرعي يحصده الغني
وتاكليني لحم الحمير
والاكل في ايديهم طري
وليه اليكي قلبي يميل
وتنصري المفتري
وليه تخليني حقير
والغني هو الولي
ليه يا بلدي
رضا ابو شنب
مصر
قصيدة
الحب قدرا
لا ينفع معه اي قرار
........................................
أنتظر قرارك
أنتظر قرارك سيدتي
كي أحيا مثل الثوار
وأغوص في عينك سيدتي
وأغامر في كل الأنهار
واقيم بحبك مملكتي
وأقاوم كل الإعصار
وأحارب من أجلك دوما
وازيح عنكي أي حصار
وأملأ من حبك أوردتي
لتضخ النار علي الاشرار
وأروي من حبك بستاني
ليخرج عطرا والأزهار
وأحيا بحبك سيدتي
مسرورا مثل الابرار
وأضيف لعمرك سنواتي
كي أحيا كل الاعمار
ونظرة عينك تأسرني
أري فيها كل الأسرار
وخدودك تفاح أحمر
يتراقص فوق الأشجار
يتدلي من فوق الغصن
ليكون طعاما للأخيار
شفتاك تجذباني إليها
ترمياني بحمم كالبركان
من لمستها قد تسكرني
ويغيب الوعي ليل نهار
شفتاك أحلي من عسل
قد صب اليوم في الانهار
وجمالك يجذبني دوما
يجذب ابياتي والاشعار
تتراقص كلماتي لاجلك
يجذبني اليك دون خيار
اخاف قرارك يصدمني
فاصير مثل الاحجار
يجعلني اتعذب ابدا
ولغير الموت لا اختار
الحب الصادق سيدتي
لا يجدي معه اي قرار
الحب الصادق كالقدر
وأمرنا لنؤمن بالاقدار
....................
حبيبي وجودك يسعدني
ويطفئي شوقي وحنيني
يجعلني امتلك العالم
ووجودك وحدك يكفيني
في حضورك لا اخشي احدا
ما عاد العالم يعنيني
ما عادت تؤرقني الشمس
لو غابت يوما عن عيني
او غاب القمر عن الدنيا
فنور وجهك يهديني
لا اخشي من ظلما ابدا
فحبيب القلب سيحميني
ساجعل من قلبك بيتي
ويظل الاسم علي جبيني
فالحب قدرا نرضاه
وايماني بحبك يكفيني
........................
حبيبتي
ساغير من اجلك دنيا الاحزان
ساحارب في كل المدن
ساحارب حتي في الوديان
ساحارب شيطان الانس
واحارب حتي ملوك الجان
وتصير الارض جنتنا
واقدم روحي كالقربان
واغيرمن اجلك نفسي
واغير جغرافيا الاوطان
واجعل من حبك اوطاني
ولتقف الارض عن الدوران
ساغير تاريخ يمضي
من قبل ميلادا
او حتي ظهور الفرقان
واصيغ تاريخ يظهرنا
ما قبل ظهور الانسان
والحب يكون سفينتنا
كسفينة نوح في الطوفان
فالله محبة في كونه
والحب قدرا علي الانسان
.........................
رضا ابو شنب
مصر
مش هعاتبك
مش هعاتبك تاني
ولا تاني اسمع كلامك
ولا عايزك تاني ترجع
ولا مستني سلامك
ولا مره تشوفني فيها
حتي لو كنت في خيالك
ولا تذكر اسمي تاني
بين شفايفك وفي غرامك
اللي بينا ذكري كانت
يتحكي فيها مكانك
كان مكانك جوا قلبي
اللي عمره في
يوم ما خانك
اللي كان دايما يدق
مش علشاني لكن علشانك
كانت عيوني تنتظر
نظرة عيونك
كنت دايما بنتظر اسمع
بحبك من لسانك
كنت اشتاق لحنانك
كنت بتمني سلامك
كان تاريخي يبتدي
يوم عيد ميلادك
.........
ليه تبيعي الحب
ليه تبيعي الود
ليه تخلي بينا
الف سد
ليه اللي يتبني
عبر السنين
في يوم يتهد
ليه يقام علي
حبنا الحد
ليه بعد ما كنا واحد
كل واحد فينا
اصبح فرد
.......
لاجل اشواقي وكل
نظرات العيون
مش راح اكفر
بحبي ليك
عمري ابدا ما اخون
عمري ما انسي
غرامي ليك والشجون
عمري ما انسي
كلامي ليك والسكون
عمري ما انسي انك حبيبي
وانا من غيرك ما اكون
.............
مش هعاتبك علي
اللي فات
واللي كان بينا
واصبح ذكريات
مش هعاتب علي الكلام
اللي بدلناه سكات
علي السعاده اللي
اصبحت اهات
مش هعاتب مش
هقول الحب مات
راح اقول احنا اللي متنا
واتكتبنا في ذكريات
مش هعاتبك
..........
رضا ابو شنب
مصر
ليه يا عرب
ليه يا عرب بينا حدود
ليه الطريق مسدود
ليه التفاهم بينا
مش موجود
ليه اتحادنا
يكون مفقود
ليه قوتنا تضعف
واجدادنا كانو الاسود
ليه اعطش في مصر
واثيوبيا تقيم السدود
ليه اجوع في الصومال
ونشبع الامريكان والهنود
هو احنا مش اخوة
وربنا واحد هو المعبود
الله وحدنا وربطنا
بحبله الممدود
وجعلنا قوة
وللعالم نسود
...................
افتح يا عربي الكتاب
وشوف جدودك مين
منهم الانبياء
ومنهم صحابه
ومنهم الصالحين
منهم اسود كانو
يرعبو الظالمين
منهم صلاح الدين
اللي انتصرللعرب
في موقعة حطين
وبني فوق الجبل قلعته
وانشئ الدواوين
وكان ظهير الغلابه
وراعي للمساكين
وكان عابد لربه
وكان من الساجدين
..........................
العيب في مين
في الشعوب ام في
حكامنا المسلمين
مين اللي ضيع
قدسنا عبر السنين
مين اللي خلي
ديننا اديان
مين اللي خلي
وطننا اوطان
مين اللي موت
فينا الجنين
مين اللي خلي
الامة تبكي وتستكين
العيب في مين
...........................................
يا صلاح الدين تعالي
سمع العرب النشيد
قول لهم الوحدة قوة
والفراق مش راح يفيد
قول لهم يا عربي اجمد
خلي قلبك من حديد
لاجل وطني راح اضحي
حتي باابني والحفيد
حتي روحي لما تصعد
لاجل وطني اكون سعيد
كلنا لاجل وطنا
كلنا مشروع شهيد
رضا ابو شنب
مصر
ليه تخاصمني الحروف
.......
ليه تخاصمني الحروف
ليه بدور مش بلاقي
غير حروف الخوف
ليه حروفي غاضبه
وليه اصابها الخسوف
ليه كلامي يضيع معاكي
وليه ينام جوا الكهوف
كنت مدمن اشوف عيونك
والايادي والكفوف
والخدود والشفايف
كنت لجمالك شغوف
كنت لما انام في حضنك
عمري ما حسيت بخوف
.......
فين الحروف
فين حروف الحب
فين حروف الحنين
كنت بحبك يا حوا
منذ الالاف السنين
كنت بعشق عينيكي
لما اشوفهم مشتاقين
لما اشوفهم يطلبوني
يحضنوني يرقصوا
لي وانا مستكين
ليه اتغيرتي يا حوا
ليه يضيع حب السنين
ليه تخلي حياتنا ضلمه
واحنا احياء ميتين
ليه تدوسي علي المحبه
وتقتلي فينا الجنين
ليه تخلي حياتنا مره
واحنا كنا كويسين
........
يا حروف الشوق تعالي
رجعي لينا الحنين
ازرعي فينا المحبه
ثبتي فينا الجنين
جمعينا علي المخده
جنب بعض مشتاقين
نشرب من خمر الشفايف
وننسي الالام السنين
رضا ابو شنب
مصر
امي يا طيبه
يا نبع الحنان
هديه من ربنا المنان
اهداكي ليا لاجل
اكون انسان
يغذيني من دمك
ويسقيني وانا عطشان
نزلت من بطنك اصرخ
وانا زعلان
قطعو الحبل بينا
وسابو حبل الحنان
بحضنك تدفيني
وانا بردان
من صدرك تغذيني
لما بكون جعان
وتسهري طول الليل
بتبكي وانا تعبان
وعمرك ما في يوم تزهقي
مهما يطول الزمان
تعلميني الكلام
وتمسكي ايدي
تقولي شاور هنا
وابتسم لفلان
بتحرمي نفسك
وتشتري لي تشرت
ولاختي كمان فستان
تقولي بلاش تزعل ابوك
علشان ابوك غلبان
بيتحمل كتير وطول
العمر شقيان
واحنا من غيره
كالبيت بدون عمدان
ولو حبي ليك قيراط
حبه ليك فدان
وحب بلدك ياولدي
حب البلد من الايمان
مصر عظيمه ذكرها
ربنا في القرأن
واتزوج رسولنا منها
وابراهيم خليل الرحمن
ويوسف كان وزيرها
ومريم مرت منها بامان
وموسي خلع نعليه فيها
وفرعون مات غرقان
تاريخ وحضارة تحكي
حكاية الانسان
في عيدك يا امي
الكل جاي فرحان
اللي يبارك ويهني
واللي بالهدية يبان
واللي يجمع هديه
الورد من البستان
وصي عليكي الرسول
وامرنا بطاعتك الرحمن
فالجنة تحت اقدامك
ورضاكي علي
الوجوه بيبان
ادعي لي دايما ياامي
بالستر والمغفرة
وبجنة الرحمن
........
رضا ابو شنب
مصر
هدية عيد الام
لن اعود كما انا
انا لن اعود
فلقد وضعتي بيننا
الالاف السدود
وبعتي يوما حبنا
ومحوتي قلبي
من الوجود
ونسيتي كل كلامنا
وغدرتي حتي بالعهود
وكم رجوتك ان تعودي
فنالني منكي الصدود
ولقد بكيت امامك
حتي تبللت الخدود
ولقد حاولت بقوتي
عن حبي ليكي
ان ازود
وابعد عننا كل
حاقدا يبث بسمه
او حسود
وكنت اعشق ظلك
وخيالك المعهود
وكلامك المعسول
كان لي هو الوقود
وجمال عينك كانت
مركبي نحو الصعود
كنت احلم بيديكي
كنت احلم بالشفايف
كنت اتمني الخدود
كنت لما اشوف عنيكي
كنت اغيب عن الوجود
حتي لما حاولت اني
اوفي مرة بالوعود
واني اختفي وابعد
واني ابدا لن اعود
اندفن حبي في قلبي
واختفي من الوجود
رضا ابو شنب
مصر
ليه نتاجر بالغلابه
ليه نتاجر باللي مات
لو لربنا بنعمل
يبقي نعمل من سكات
عند ربي ثواب عظيم
وفي السؤال تجد ثبات
في دخول الجنه افضل
من دخول الانتخابات
ربنا يعطيكو جنة
والبشريدوب اصوات
كله فاني مش هيقعد
حتي رسول الله مات
والزعامه مش هتفضل
اسألو فيها السادات
مرة حارب
مرة مد ايده سلم
كان هيصنع معجزات
كان يقولي تمللي مصر
مش هترجع للي فات
كان بيحلم مصر تانية
والقدر سبق ومات
اعملو لله دايما
بكره نصبح ذكريات
الغني نديله لحمه
والفقير ياكل فتات
اطعمو الغلابه افضل
واجمعوهم من الشتات
رضا ابو شنب
مصر
بصيت لبلدي
لاقيت عينيها معصوبه
قلت لها مالك يا قلبي
تعبانه ولا انتي محسوده
وليه دموعك بتنزل
وليه طرحتك سوده
وليه وشك اصفر
زي اللي مخضوده
قالت لي يابني
طول عمري موعوده
باللي ياكلو في خيري
ويحدفوني بالطوبه
وياكلو لحمي
ويسبوني معطوبه
ويقولو بنحبك
والحب في عرفهم
صنعه وسبوبه
وانا اللي طول عمري
بضحي علشانهم
رغم اني للغرب مطلوبه
الكل بيطلب ايدي
واقوله يا بني مخطوبه
خطيبي مصري اصيل
يرفع مقامي ويبنيني
طوبه فوق طوبه
ويجمل وجهي
ويخليني محبوبه
والكلمه عنده سيف
والخطوه محسوبه
مصري جدع من
ارض النيل والنوبه
يصون الارض
ويوفي بالعهد
ويخلي ايام
العدو سوده
رضا ابو شنب
مصر
خديني
خديني في حضنك ضميني
في عز البرد ودفيني
انسي روحي وانا في حضنك
انسي ايامي وسنيني
انسي جروحي لما اشوفك
ولمسه ايدك تشفيني
اغرق في بحر عيونك
ورموشك شطي ودليلي
وخدودك تجذبني اليها
ترفعني لاعلي وترميني
وشفايفك خمر من الجنه
مهما اشربها لا ترويني
اتمني من خمرك اسكر
وبحلو شفايفك تسقيني
لا اشبع من حلو كلامك
فكلامك دايما يشجيني
من اجلك جمعت حروفي
ووصفت شعوري وحنيني
ووصفت مكانك في قلبي
وكتبت الاسم علي جبيني
زيديني من حبك دوما
وفي قلبك دايما خليني
اشتاق لقربك سيدتي
وغيابك عني يؤذيني
اشتاق لحضنك حتي
لو حضنك ناره تكويني
النار في حبك سيدتي
افضل من جنة تؤيني
اتمني لو ينساني الناس
اياكي ابدا تنسيني
اتمني يا اجمل أنثي
من حبك دوما زيديني
رضا ابو شنب
مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.