الصبر على الحال
عبدالمنعم عدلى..مصر
خلاص ياصحبى خلاص
كنت فاكر إنك
ملبى النداء
أتاريك بتشوف
وتسمع وماليك
فى الحب وفاق
وقفت ساعات وأيام
على باب الأحباب
أدق على الباب
أتارى القلب
حجر صوان
وعرفت إن الهم زاد
وما عاد لى أحباب
دنيا ومعدش
فيها وفاق
راحل أنا
أبحث عن ترياق
علنى أجده فى
عالم الأفاق
أو تحت التراب
درت ودارت الأيام
وضاق بى الحال
وتغير الحال
أصبح محال
وتركت الحال
لمن بيده
تغير المحال
فألهمنى الصبر
يامغير الحال
بقلمى عبدالمنعم عدلى
أبحث عنك
عبدالمنعم عدلى..مصر
فاتنى حبيبى
من غير وداع
راح بعيد
من غير مايسلم
ولاحتى يبعث جواب
وأصبح يؤلمنى البعاد
سأبحث عنك
فى ذكرياتى
فى كلماتى
سأبحث عنك فى
فتافيت سكر
قهوة الصباح
سأبحث عنك
فى كل مكان
فى بقايا
قلب مات
علنى أجد نبضى
بين أهاتى
من ويلات الفراق
سأبحث عنك
بين جدران
حوائط الغرفة
فى الطرقات
سأبحث عنك
بين قلوب
صبايا البنات
ولن امل الإنتظار
سأبقى على
عهدى القديم
حتى لو تحت التراب
سأجدك فى الجنان
بقلمى عبدالمنعم عدلى
دنيا
عبدالمنعم عدلى..مصر
ليه يادنيا
مشيه عكس معانا
وغاويه تحذنينا
بتخدى الحلومنا
وتشمتى العدا فينا
وتصهرى ناسك
تحت ترابك
وناس سيباهم
يأذوا فينا
الحلو راح
وترك أسوه لينا
وعلى الدرب مشينا
عملنا فيك إيه يادنيا
خاينه وبتخونينا
مستكترة الفرح علينا
أاه عليك يادنيا
ماشين فيك ساكتين
وإنت بتجرحينا
راحوا الحلويين
وما عاد حد فيك
يمسح دمع عنينا
ليه يادنيا معكسانا
د الفرح كان
عايش جوانا
خلاص يادنيا خلاص
الحب فيك راح
وماعاد لينا
إلا البكاء والنواح
باكيين يادنيا باكيين
على اللى بأيدينا
دفناهم تحت الطين
وإحنا لسه قاعديين
ليه يادنيا ليه
بقلمى عبدالمنعم عدلى
أحكم ياقاضى
عبدالمنعم عدلى..مصر
أحكم على ياقاضى
بهجر فؤادى
كنت أستشف الوجد
وألايام تمر
مثل السحاب
حبيبى يهوى الترحال
وأنا منه فراش
حائر بين االيل والنهار
أشتاق إليه
أرسمه بالوشم
على جدران الهواء
بين الضلوع مضجعه
وبين العيون رؤوياه
أحكم على ياقاضى
بلهاء أنا
أم للهوى أشتاق
فكم تذللت
له بالبقاء
وكم عانيت
من طول الفراق
كاد قلبى ينفجر
وتتمزق الضلوع
من لظى حب حائر
أرسل إليه ترياقى
على نسمات الصباح
فيستمد الحياة
ويعيش على الترحال
أهواة وأبحث عنة
بين ورود البستان
كى أستبين النظرات
وأشم ريحه على
بعد المسافات
فأستمد البقاء
أحكم على ياقاضى
بقلمى عبدالمنعم عدلى
حب صامت
عبدالمنعم عدلى..مصر
أجبنى إذ
سألتك حبيبى
ليه لما بشوفك
يتوه منى الكلام
ليه لما أشوف عينيك
أسبح فى بحور غرامك
أجبنى إذ
سألت حبيبى
أأحببتنى أم
تراود نفسك
فى آيات غرامى
أم تتلذذ فى
آلام عشقى
ياحبيبتى
حبى لك صامت
فإسألى النجوم
كيف تغار
وإسألى بكارا ألحور
عندما تسدل الستار
إسألى الياسمين
إين ذهبت رأئحته
إسألى الليل
كيف طال به الشجون
ولم ينزف المخاض
ليبزغ فجر الإشراق
عندما تعرفين
أسباب صمتى
إعلمى أنى أحبك
وأشتعل شوق
عندما تبتعدين عنى
ويهتز محراب
صلواتى إليك
إعلمى أنى أحبك
ياحبيبى
أكل هذا الحب
يسكن الحشا
وبين الضلوع
أنت ساكن
كم تمزقت الضلوع
فى غيابك
وأستمد الحياة
من ترياق فاك
بقلمى عبدالمنعم عدلى
غرقانه
عبدالمنعم عدلى..مصر
يامصر ياأمه ياسفينة
ماشية على الماء بينا
الكل بيقول
عليك إنك غرقانة
نسيوا إن
الأم لامة وجامعة
وبنأكل من أراضيها
ونشرب من نيلها
وولادها على الحدود
يموت كل يوم
شهيد وشهيد
ﻷجل مانعيش ويحمونا
كداب
كداب ياللى
نسيت إنك
معجون من ترابها
وماء نيلها
وعايش على أراضيها
وتذم فى حقها
أصلك كداب
وملكش جذور فيها
جذرك من عكرة
ماء أراضبها
أوعى تخونها ولاتهنها
خلى اللى
يفوت يفوت
واللى يموت يموت
ومصر وطن لينا
عايش جوانا
ربى حاميها
ومألف بين
قلوب أهاليها
ولاتكون ذى النسوان
تتلفع بالأفعى
ويقولوا الحنش مات
كدابين ياللى
وراء الستار
غدار وملكش أمان
ياللى تقول كلمة
على مصر السفبنة
أهى ماشيه بينا
يحميك ياأمى
ياشيله همى
وحاميه ولادى
من بعدى
بقلمى عبدالمنعم مصر
سلامة ..سلامة
عبدالمنعم عدلى..مصر
سلامة سلامة
راجعين بكرة
على أمل إبتسامة
نغنى ونرقص
لفرحة جايه
ومعاها الإبتسامة
سلامة سلامة
على عين
كانت فضاحة
بين نظرة وإبتسامة
راجعين بكرة لديارنا
وهنبنى ونعمر
ونحقق أحلامنا
بيد ولادنا
أحرار رجاله
سلامة سلامة
على نار باتت
فى الدار
وإتشرد الصغار
ومات الأبرار
ولعق الحذاء
وشموا رواث الفجار
وركبنا العار
معلش يازمن
إنت مش غدار
وبكرة جاى
وهنكمل المشوار
وسلامة سلامة
مع ضحكة زمان
تحت الزيتونة والرمان
ووسادتى بكرة تضحك
لما أروح أنام
وتقول لى كمان
سلامة سلامة
على أمل الإبتسامة
بقلمى عبدالمنعم عدلى
قول لى
عبدالمنعم عدلى..مصر
قول لى ياصحبى
مين غير طبعك
مين قساك على
كلامك كان غالى
وبنيت له قصر عالى
وزينت صورة
باللؤلؤ والمرجان
كنت فاكر
إنك جاى
وإنتظرتك ليل ونهار
وفى أول محطة قطار
غيرت المسار
ليه كدة ياصحبى
خليت النهار ليل
والظلام ساد المكان
أخدت الفكر
والقلب معاك
أتاريك بتسمع
كلام الناس
راجع نفسك
قبل فوات الأوان
من غيرك
مش هيتهد المكان
مهما بعدت
ولاطالت المسافات
لابد ترجع للمكان
د اللى قال لك كلام
خاين ملهوش آمان
أصل الجذر طيب
وهيدور على المكان
وبكرة تدور الأيام
وماتنسى المكان
راجع نفسك
من تانى
وعيد وصال الأمانى
بقلمى عبدالمنعم عدلى
قلب أبيض
عبدالمنعم عدلى..مصر
ياقلبى
حيران ليه
عمال تلف وتدور
على ناس
وراء السطور
كان بينكم
ضحكة زمان
وحب ووصال
ياعينى عليك ياقلبى
شفت ناس
ماهم بناسك
وكأن يأجوج ومأجوج
رجوا من زمان
حاسب على
نفسك ياقلبى
وخاف من ناس
يتلفعوا بالحية
وهى حية
ويقولوا الأفعى ماتت
العقل كذب القول
والقلب صدق الفعل
مسكين ياقلبى
بتحب كل الناس
وقلبك أبيض شفاف
وماتجرح قلوب الناس
أصحى ياقلبى
وماتصدق كلام الناس
بقلمى عبدالمنعم عدلى
لليل
ياسهران ليلك
على شط نيلك
جالس وحيد
بتناجى الحبيب
وبتكلم ماء نيلك
وبتناجى القمر
والليل طال بيك
والهواء من حواليك
بردان فى
ليل الصيف
ياجلبى عليك
وإنت مستنى
حبيبك يضمك و يدفيك
نظرة منه تكفيك
نسمة هواء
منه ترويك
وتشبع عطش جوعك
ونيلك يرسل مراسيلك
ويعرف حبيبك مواعيدك
يافايتنى وحدى
وأنا مستنى
نسمة هواء منك
تطفئ لهيب قلبى
تعال هنا
وإجلس معايا
وإتمتع بمنظر نيلك
وضمنى ودفينى
وعلى وتر الماء
غنى لى مواويلك
تعال حبيبى
ولا تطول ليلك
د الليل طويل
والنوم مجافينى
بقلمى عبدالمنعم عدلى
ساكن الفؤاد
عبدالمنعم عدلى..مصر
ياساكن الفؤاد
كل يوم أتوضئ
من دموع الأهات
وأذهب إليك
وأصلى فى
محراب الإبتهالات
فأنت وطنى
ساكن الفؤاد
وهمساتى إليك
فى ليل العشاق
تراتيلى تناديك
علك تلبى النداء
ياساكن الفؤاد
كم تحملنى
أشواقى إليك
وأرحل عن البلاد
أبحث عنك فى
شوارع الأفاق
فى بيوت الترياق
وأنت أنت
ساكن بين الضلوع
أرتل لك
نغمات المشتاق
وأهئ نفسى
وأتحسس النظرات
عل نسمات الهواء
تحمل فى
طياتها ترياق الحياة
بقلمى عبدالمنعم عدلى
ذى الموت
عبدالمنعم عدلى..مصر
خدنى بعيد
وشوفت عذاب
المر منه سنين
والقلب داب
من لظى الحنين
والشوق وطول البعاد
ياواخد قلبى
ياواخد روحى
ذى الموت
والوقوف على
جمر النار
ماسكه بيدى
والقلب سعيد حيران
بين جنة ونار
أخدتنى بعيد
ولفتنى فى
كفن حبك
وكأنى شهيد
ونار خلدك
جنة المشتاق
ياواخد قلبى
ياواخد روحى
ذى الموت
جنة تحت التراب
أشوف الدنيا
فى عينك
كنت فاكر إن
الدنيا كلام وأحلام
أتارى الدنيا
عذاب فى حبك
وشوق وإنسجام
أنام وأصحى
وأنا على
جمر النار
بقلمى عبدالمنعم عدلى
شايل الهم
عبدالمنعم عدلى..مصر
ياشايل الهم
قول لى مين
علمك تشيل الهم
إتعلمت أشيل الهم
من صغر سنى
عندما إنفجر رحم أمى
وإنفطع الحبل السرى
وخرجت للدنيا
مالى أب ولاأم
والأخ تاه منى
وجفانى صدر أمى
وفى حضن قطة
رضعت لبن أمى
وكبرت وتهت
فى دنيا المظالم
وناسها إتبروا منى
حيرتينى يادنيا
مش عارف
كنت قاسية على
ولاناسك ألحدوا منى
تاه فكرى وتاه عقلى
وشلت الهم بدرى
من طول صبرى
قول لى مين
عرفك بحال
وماصعب عليك حال
د الحال محال
حتى لو غيروا حال
صابر عليك يادنيا
وشايل الهم جبال
وماهمك يادنيا
إلا ثوان
وأرجع وأقول
ياصبر صبرنى
على حال
بقلمى عبداامنعم عدلى
أخر كلام
عبدالمنعم عدلى..مصر
من زمان
كان بنا وصال
ذقت فيه
مر الأفعال
كذبت فيه سمعى
ولم أصدق فيه
حتى عينى
قلبى حبك
وذاق مر شهدك
وسقتنى العذاب ألوان
ياناسى عهد الوصال
روح منك للأيام
كنت فاكرك
باق على عهدك
أتاريك معسول الكلام
من قلب
هبعتلك أخر كلام
إنسى عهد الزمان
إنسى كمان الوصال
وياريت ماكان
بنا وصال
من قلب
قبل الفراق
بكتبلك وأنا
بقطع جزور الوصال
وماعاد بنا كلام
روح منك ﻷيام
بقلمى عبدالمنعم عدلى
رحلت عنى
عبدالمنعم عدلى..مصر
العين أسدلت
ستائر الجفون
والقلب ينزف
الدمع من
مخاض الضلوع
والشريان جف
عن نبض الحياة
وودعت أحلى العيون
وذهبت فى
الأفاق تدور
وتحلق حولى من
وراء الستار
وكأنها تحجب
عنى حر الشموس
رحلت عنى
وتركت قلبها الحنون
وأستبين الطرقات
من نظرات العيون
شعاع فى
ظلمات الليل
وكأننى أصارع
ضباب الغيوم
رحلت عنى
ولم تتركنى وكأنها
سكنت الجسد والضلوع
فقد يطول
البعاد بيننا
والأرواح تتقابل
فى هناء وسرور
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.