أول وآخر همسي:
بين شغلي وهمسي والحياة وثاق
يعتري حالي ومنها يبان حال حالي
أول همسي لأهلي وأحبابي مشتاق
وثاني شي للي ماراح ذكره من بالي
ثالث بوحي أمنية تملي كل الآفاق
أمان وسعادة وصحة لخلاني تنهالي
الرابع في كلامي معاني كلها ترياق
يطيب منها من يداني حرفي ومجالي
العد خمسة وستة وسبع ولأخر السياق
مايهمني العدد بس يظل بوحي غالي
ياللي تمرون صوب مجلسي بالأحداق
خلوا نبض القلب يسعد من قولي وقالي
شبيه حالي فارس ومهرة في سباق
العيون مشدودة صوبنا وغيرنا من خالي
راح أظل ماشي طريق الغلا والإشتياق
بعيد عن الحزن والألم ولادمع جاري وسالي
نذرت حرفي ولا همني غير راحة ورواق
لي ولكل محب وعزيز في كل الأحوالي
علموا على كلامي وذكرى تظل تنساق
ان غبت عنكم في يوم لاتنسوا أقوالي
طيبة وغلا وحنين ولابد من ساعة الفراق
تكتب موعد رحيل العمر وتبيض فالي
هذا اللي كتبته يمكن ماينحمل وينطاق
بس لازم يتنوع همسي من الحشا ودلالي
ياريمن ماغاب طيفها عني والحرف ساق
ماأريد يتكدر حالها من شوف هالكلام البالي
مشيت في نظم الأبيات ولاغاب الترياق
ذاك اللي يلهمني من تهل مزون كلها زلالي
طلبت من الله يظل الوصل كله عناق
الروح للروح وقلوب تتوصل وهذا مابدالي
@عزالدين الحميري@
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.