أنا وطيفك:
كل يوم الوقت لك وأنا وطيفك
بين سهر الليل والحرف وبالك
علمني هالساعة وش هو كيفك
مرتاح ولا تعبان ولازايد دلالك
راح أكون هالساعة معاك وضيفك
ياترى تقبل هالكلام ويروق ويحلالك
موعود أدانيك وتدانيني ولايعيفك
همسي ومعاني حرفي من زلالك
راح أكون دواك وشتاك وهم صيفك
وكل الأجواء لك ودوم تصفالك
شرد بالي وشدني قول أنا وليفك
عسى هذا اللي داخلك وهو حالك
صوبت ذاك الرمش وخليته سيفك
صوب دلالي وهو ساحك ومجالك
يظل فكري سارح في ساح ريفك
يزهر ربيعي من زهر عينك وظلالك
المنى أكون الماي لك وزادك ورغيفك
وكلشي حلو بدنياك ومونتك وغلالك
معذور في كل اللي كتبه واطرد خوفك
يمشي حرفي ومعاني أبياتي من خلالك
@عزالدين الحميري@
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.