بعنوان ... جايينا شهر فضيل ...
.........................................
هاتوا الزينة والأزهار
جاية لعنا زوار
جايينا شهر فضيل
بهلالو بتضوي الأنوار
والسما بتفتح أبوابا
للي تايب ليل نهار
وللي رافع إيدو بيدعي
وعلسانو أجمل أذكار
.................
جاية لعنا رمضان
شهر التوبة والغفران
بدنا نصوم وبدنا نصلي
وبدنا نقرأ بالقرآن
ما أحلى لمة العيلة
عند المغرب يا أخوان
والكل صايم عم يستنى
المدفع أو صوت الآذان
................
والمسحر بيفيقنا
على صوت الطبلة بغنية
يا نايم وحد الدايم
قوم سبح رب البرية
وليلة القدر منحييها
ومندعي حتى الصبحية
والتراويح نصليها
من بعد العشا يومية
.....................................
د. ملك محمود الأصفر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.