حرفي يمشي بعزم:
مدري حرفي ضعيف ولا قصر فهم
في ناس تشوفه جميل وناس تنساه
داخلي بوح يرسم الإحساس رسم
نبض قلبي وشريانه هو اللي غذّاه
ماراح يوقف قلمي ويمشي بعزم
لأجل يداني عقول يبان لها محتواه
أكتب أبياتي بثقة وللتذكير والعلم
الأصالة في المعنى وحرفي ونشواه
ماني من اللي يدور شهرة وحلم
ولاني من يدور عالي مقام ومستواه
صور تختلف بين حنين ورقة وحزم
ومابين شوق وهجر والعلاج ودواه
يمكن ضعيف بالعروض ونطق الكلم
يتأثراحساسي بغنى ومشهد وفلم
يبان هالحال بنبض كلامي وسلواه
بس فطرتي وبوحي هي أصله ومبداه
الحظ يعاندني وماظنتي حلمي يهدم
راح أظل واثق من كلامي وبوح نجواه
@عزالدين الحميري@
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.