الشكل العام
-----
لو كل حبيبين عاشوا فى الهوى ذى ما عشنا
ماكنشى بقى فيه قلوب مجروحه
كل الناس كانت بتشوف الضحكه فى وشوشنا
واحنا بنتألم ذى الطير المدبوحه
------
بنضحك على روحنا
وبندارى جروحنا
أدام الناس
كله بيحسدنا
بيحلم يقلدنا
عالحب والاخلاص
-------
مات الحب فينا
ماتت كل امانينا
واحساسنا بالامان
مات الكلام
والشوق والغرام
مات من زمان
-----
ماتت فينا الضحكه
ونسينا كل حاجه حلوه
وبقينا اغراب
لكن بنحافظ عالشكل العام
وبنقول احلى كلام
وكأننا احباب
------
حاسس ان عمرى فى الحزن ضاع
حاسس ان كلى مليان اوجاع
حاسس ان نفسى اهرب
جايز مع حد تانى اعيش
واللى يحصل يحصل ميهمنيش
وبردوا خايف اجرب
------
احساسى بالخوف بيقتلنى
خايف اظلم اللى بيظلمنى
خايف يتعذب بعد منى
------
خايف اهد اللى بيهدنى
اللى بيغرقنى وعمره من وسط الموج ما شدنى
اللى بيبعترنى وعمره ما لمنى
------
خايف اخد قرار
خايف عاللى بيرمينى فى وسط النار
انا عارف ان كلامى انتحار
------
بس انا خايف على عشرتنا
خايف اهد حياتنا
خايف الناس تعرف حكايتنا
-------
انا راضى ابات مغلوب
ومين فينا مالوش عيوب
والقدر ما منه هروب
------
تعالى يا اوجاع نامى فى حضنى
واوعى تسيبينى طول عمرى
انتى بقيتى حبيبه قلبى
-------
اسكت وارضى وعيش وخلاص
دارى اوجاعك بالضحك فى وش الناس
واملى الدنيا اغانى وفرح عالورقه وفالكراس
------
خلى الامك جوا ضلوعك
اوعى الناس تشوف دموعك
مش كل الناس مش فارقه معاهم
فيه ناس كتير بتحلم برجوعك
-------
------
الشكل العام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.