أمشي وراه:
حتى غيابه يظل بالبال ولاراح أنساه
كثر الزعل يتعب القلب ويولد الجفا
كل مرة أقول الله يهديه وأمشي وراه
المنى يظل رايق ومبسوط وقلبه صفا
حتى اللي يقتل ولا يجور مغفور خطاه
صاحب الأولة والكريم من سامح وعفا
طوعت حرفي لأجل عينه وصار غذاه
لايوم غاب عن معاني أبياتي ومنها خفا
القلب يامهرتي نبض واحساس وهناه
وصل من نبض قلبك ودوا للجرح وشفا
حالي وياويل حالي من بالك ومحتواه
انت اللي يسعد بالي والحشا تمده دفا
كل يوم أقول راق جوي وجوك وعساه
يظل مستمر كنه نهري جاري ولا يختفى
صحرا وبيادي الحشا وأرض قلبي وضماه
تتخضر ويبان وردها وطيبها لو خلي لفى
عانيت من بوح هالشعور ولاودي قساه
يتعبك ويتعب غيرك ولايكون لك زلفى
راح أقفل بوحي ومعاني كلامي ومناه
يظل الود لك صافي وعهد مني وحلفا
@عزالدين الحميري@
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.