بنت بلادي زينة. /انا معاك داوي/
لابسة قفطان
ودفينة
خدها موشوم
يدها مرقوم
والخالة ف الخد
زايدها ف التبسيمة
الجمال ف بنت بلادي
جامع بين الجبلي والصحراوي
ولمديني
لحداكة تسلي
ولدارها تبني
لولادها تقري
بنت بلادي شهدة
الى عاهدت اوفات
الا حبت صانت
ونت عليها تصنت
انا معاك داوي
يالي نت نصي
بيك يكمل بهاي
يزها الخاطر
تحلى ليام
ب لمت حبابي
وقرة لعين
الحمد لله
جعل ربي
فيها تنين
يعطيو معنى
لحياتنا ونزيدوا
بيهوم مفتاخرين
ربي يحفض بلادنا
فيها وبخيرها عايشين
يدوم السلام
يرفرف علينا كاملين
وهذي في خاطر لخواطر
لبنات وولاد بلادي كاملين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.